കുരുക്ഷേത്ര: 44 അടി ഉയരമുള്ള കൃഷ്ണ പ്രതിമ ‘വിരാട് സ്വരൂപ്’ ഹരിയാന സര്ക്കാര് അനാച്ഛാദനം ചെയ്തു. ഗവര്ണര് ബന്ദാരു ദത്താത്രേയെയും മുഖ്യമന്ത്രി മനോഹര് ലാല് ഖട്ടറും ആര്എസ്എസ് സര്സംഘചാലക് മോഹന്ജി ഭാഗവതും ചേര്ന്നാണ് അനാവരണം ചെയ്തത്. കുരുക്ഷേത്രയിലെ ജോതിസര് ഗ്രാമത്തിലാണ് ഗുപ്ത്-നവരാത്രിയുടെ ആരംഭത്തെ സൂചിപ്പിക്കുന്നതിനായി പ്രതിമ സ്ഥാപിച്ചത്. രാം വാന്ചി സുതറാണ് ശില്പി.
വിഗ്രഹങ്ങളില് ഉപയോഗിക്കുന്ന അഷ്ടധന്തു എന്ന ലോഹക്കൂട്ട് ഉപയോഗിച്ചാണ് പ്രതിമ നിര്മിച്ചിരിക്കുന്നത്. 35 ടണ് ഭാരമുള്ള ഇത് 10 കോടി മുതല്മുടക്കിലാണ് നിര്മിച്ചിരിക്കുന്നത്. മതപരമായ ടൂറിസ വികസനം വഴി കുരുക്ഷേത്രയ്ക്ക് പുതിയ മുഖം ലഭ്യമാകുമെന്നും അധികൃതര് പറഞ്ഞു. മഹാഭാരതയുദ്ധം ആരംഭിച്ച സ്ഥലമാണ് കുരുക്ഷേത്രയിലെ ജോതിസര് ഗ്രാമം.
Comments