ശത്രുക്കളോട് പൊരുതാനും സ്വയ രക്ഷയ്ക്കായും നിരവധി ആയുധങ്ങൾ കൈവശമുള്ളവനാണ് മനുഷ്യൻ. ആ കൂട്ടത്തിൽ ഏറെ പ്രത്യേകത നിറഞ്ഞതാണ് ബൂമറാങ് എന്ന ആയുധം. വളഞ്ഞ ആകൃതിയിലുള്ള മരത്തിന്റെ കഷ്ടണമാണ് ബൂമറാങ്.
എറിഞ്ഞാൽ എറിഞ്ഞ ഇടത്തേക്ക് തന്നെ തിരിച്ച് വരുന്ന ഈ ആയുധം സൂക്ഷിച്ച് ഉപയോഗിച്ചില്ലെങ്കിൽ ഉപയോഗിച്ച ആൾക്ക് തന്നെ ഭീഷണി ഉയർത്താറുണ്ട്. ബൂമറാങ് കാരണം ‘പണി’ കിട്ടിയവർ ഒരുപാട് ഉണ്ടെന്ന് സാരം. ആയുധമായിട്ട് മാത്രമല്ല വിനോദത്തിനായും ബൂമറാങ്ങുകൾ പുരാതന മനുഷ്യർ ഉപയോഗിച്ച് വന്നിരുന്നു.
വേട്ടയാടാനുള്ള ആയുധം, സംഗീതോപകരണങ്ങളിൽ കൊട്ടുവാൻ, കളിയുദ്ധങ്ങളിൽ, കളിക്കോപ്പ് എന്നിങ്ങനെ വിവിധ ഉപയോഗങ്ങൾക്ക് ബൂമറാങ്ങ് ഉപയോഗിക്കാവുന്നതാണ്. ഏറ്റവും ചെറിയ ബൂമറാങ്ങിന്റെ വലിപ്പം ഒരറ്റം മുതൽ മറ്റേ അറ്റം വരെ 10 സെ.മീറ്ററിൽ ചെറുതും ഏറ്റവും വലുതിന് 2 മീറ്ററിൽ കൂടുതൽ നീളവുമുണ്ടാകും.
കാഴ്ചയിൽ വളരെ ലഘുവായ മരം കൊണ്ട് നിർമ്മിക്കുന്ന ബൂമറാങ്ങ് മൃഗങ്ങൾക്ക് നേരെ പ്രയോഗിക്കുന്നതിനേക്കാൾ പറവകളെ എയ്യാനായിരുന്നു ഉപയോഗിച്ചിരുന്നത്. ബൂമറാങ്ങിന്റെ സഞ്ചാര രീതി കണ്ട് പേടിക്കുന്ന പക്ഷികൾ താഴ്ന്നുപറക്കുമ്പോൾ വലയെറിഞ്ഞോ മരത്തടിയെറിഞ്ഞോ വീഴുകയും പതിവുണ്ടായിരുന്നു.
Comments