റാഞ്ചി : മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ മഹേന്ദ്ര സിങ് ധോണി ആയുർവേദ ചികിത്സയിൽ . കാൽമുട്ടിലെ വേദനയെ തുടർന്നാണ് അദ്ദേഹം ചികിത്സ തേടിയത്. റാഞ്ചിയിലെ ബന്ധൻ സിങ് ഖർവാർ വൈദ്യനാണ് താരത്തിന് ചികിത്സ നടത്തുന്നത്.
പാലിൽ പച്ചമരുന്നുകൾ ചേർത്ത് രോഗികൾക്കു നൽകുന്ന വൈദ്യന്റെ ചികിത്സ പ്രസിദ്ധമാണ്. ധോണിയുടെ മാതാപിതാക്കളും ചികിത്സക്കായി ഇവിടെ സന്ദർശനം നടത്താറുണ്ട്. തുടർന്നാണ് ധോണി ഇവിടേക്ക് എത്തിയതെന്നാണ് വിവരം .
അതേസമയം താൻ ധോണിയെ തിരിച്ചറിഞ്ഞിരുന്നില്ലെന്നും , നാട്ടുകാരും ചില കുട്ടികളും വന്ന് ഫോട്ടോ എടുത്തപ്പോഴാണ് അറിയുന്നതെന്നും വൈദ്യൻ പറയുന്നു. മരുന്നിന്റെ അടുത്ത ഡോസ് സ്വീകരിക്കുന്നതിനായി അദ്ദേഹം എപ്പോൾ എത്തും എന്ന് അറിയില്ലെന്നും ഇയാൾ പറഞ്ഞു.
2020 ഓഗസ്റ്റ് 15നാണ് എം.എസ്.ധോണി രാജ്യാന്തര ക്രിക്കറ്റിൽനിന്നു വിരമിച്ചത്. അതിനുശേഷം ഐപിഎലിൽ മാത്രമാണ് ധോണി കളിക്കുന്നത്.2019 ലോകകപ്പ് സെമിഫൈലാണ്് അദ്ദേഹം അവസാനമായി കളിച്ച അന്താരാഷ്‌ട്ര മത്സരം .
Comments