ഒരു പോലീസ് ട്രെയിനിയുടെ പ്രണയത്തെ ആസ്പദമാക്കി നിർമ്മിച്ച ‘ എന്റ മാത്രമായ് ‘ മ്യൂസിക്കൽ പ്രണയ ഹ്രസ്വചിത്രം പ്രേക്ഷക ശ്രദ്ധയാകർഷിക്കുന്നു. നടൻ ഉണ്ണി മുകുന്ദനാണ് തന്റെ ഫേസ്ബുക്ക് പേജിലൂടെ ഹ്രസ്വചിത്രം റിലീസ് ചെയ്തത്. സുധീ കൃഷ്ണൻ തിരക്കഥയെഴുതി സംവിധാനം ചെയ്യുന്ന ചിത്രത്തിൽ അരുൺ ജെൻസൻ , ഭാഗ്യാ ജയേഷ് എന്നിവരാണ് പ്രധാന കഥാപാത്രങ്ങൾ.
ഹാപ്പി ഹവേഴ്സ് ആഡ്സ് ആന്റ് ഇവന്റ്സിന്റെ ബാനറിൽ ലീന സുധീർ,ടി വി കൃഷ്ണദാസ് എന്നിവർ ചേർന്ന് നിർമ്മിക്കുന്ന ഈ ചിത്രത്തിന്റെ ഛായാഗ്രഹണം നിർവ്വഹിച്ചിരിക്കുന്നത് അഭിജിത് അഭിലാഷാണ്. മനു മഞ്ജിത് എഴുതിയ വരികൾക്ക് സംഗീതം നൽകിയത് സാജൻ കെ റാമും. നജീം ആർഷാദാണ് ഗാനം ആലപിച്ചത്.
എഡിറ്റിംഗ് ദിലീപ് വി രവീന്ദ്രനും കലാസംവിധാനം പ്രഫുൽ ചെറുകാടുമാണ് .ആസാദ് കണ്ണാടിക്കൽ ലജിത ശ്രീജിത്ത്, സുരേഷ് നാരങ്ങാളി ആദിതി സുരേഷ്, അഖിൽ പുതാളത്ത് തുടങ്ങിയവരും ഈ പ്രണയ ഹ്രസ്വചിത്രത്തിന്റെ ഭാഗമാകുന്നുണ്ട്.
മ്യൂസിക്ക് 24 7 ചാനലിലൂടെ പ്രക്ഷകരുടെ മുന്നിലെത്തിയ ചിത്രത്തിന്റെ അണിയറ പ്രവർത്തകർ പ്രഹ്ലാദ് പുത്തഞ്ചേരി, ഷെനിത് തറമേൽ, ജീത്തു കേശവ്, രഞ്ജിത്ത് ലാൽ വി നായർ, ശ്രീശാന്ത് പ്രഭാകരൻ, ഹെബിൻ ബെന്നി, നോബിൾ വയനാട് സജിത്ത് ചന്ദ്രൻ,സജീവ് മുല്ലക്കൽ തുടങ്ങിയവരാണ് .
Comments