ഫുട്ബോൾ കളിക്ക് എന്നും ആരാധകർ ഏറെയാണ് . നാട്ടിൻ പുറങ്ങളിൽ കാൽപ്പന്തുകളിയിൽ ഹരം പിടിച്ച് കളത്തിൽ നിറഞ്ഞാടുന്നവരെയും നമുക്ക് കണാൻ സാധിക്കും .പൊതുവെ ആൺ കുട്ടികളാണ് ആ കളിക്കളത്തിൽ ഇറങ്ങാറും . എന്നാൽ ആൺകുട്ടികൾക്ക് മാത്രമല്ല ഫുട്ബോൾ കളി പെൺകുട്ടികൾക്കും അനായാസം വഴങ്ങും എന്ന് തെളിയിച്ചിരിക്കുകയാണ് ഒരു കൊച്ച് മിടുക്കി. സമൂഹ മാദ്ധ്യമങ്ങളിൽ ഇപ്പോൾ തരംഗമായിരിക്കുന്നതും ഈ പെൺകുട്ടി ഫുട്ബോൾ കളിക്കുന്നതിന്റെ ദൃശ്യങ്ങളാണ് .
കോട്ടയംകാരിയായ പെൺകുട്ടിയാണ് കളിച്ച് കൊണ്ടിരിക്കുന്ന ആൺ കുട്ടികളിൽ നിന്ന് ബോൾ തട്ടിയെടുത്ത് അനായാസമായി കളിക്കുന്നത്. പെൺ സിംഹം എന്ന തലക്കെട്ടോടെയാണ് ദൃശ്യം സമൂഹമാദ്ധ്യമത്തിൽ പങ്ക് വച്ചിരിക്കുന്നത്. നിമിഷ നേരം കൊണ്ടാണ് വീഡിയോ വൈറലായി മാറിയത്. ഇതിന് പുറമെ ഇന്ത്യൻ സൂപ്പർ ലീഗിന്റെ ഒഫീഷ്യൽ ഇൻസ്റ്റഗ്രാം പേജ് ഈ വീഡിയോ ഷെയർ ചെയ്തിട്ടുണ്ട്.
ലക്ഷക്കണക്കിന് ആളുകൾ വീഡിയോ കാണുകയും പങ്കുവെയ്‌ക്കുകയും ചെയ്തിട്ടുണ്ട്.കുട്ടിയുടെ കഴിവിനെ പ്രശംസിച്ചു കൊണ്ട് നിരവധി പേർ രംഗത്തെത്തി. പെൺസിംഹമെന്നും സിങ്കപ്പെണ്ണെന്നും എല്ലാം ഫുട്ബോൾ ആരാധകർ കുട്ടിയെ വിശേഷിപ്പിക്കുന്നുണ്ട്.
