തിരുവനന്തപുരം: കേരളാ ഗവർണർ ആരിഫ് മുഹമ്മദ് ഖാനെ വാനോളം പുകഴ്ത്തി സംവിധായകനും തിരക്കഥാകൃത്താവും എഴുത്തുകാരനുമായ അടൂർ ഗോപാലകൃഷ്ണൻ. ശ്രീചിത്തിര തിരുനാള് പുരസ്ക്കാരം ഗവർണറിന്റെ കൈയ്യിൽ നിന്നും ഏറ്റുവാങ്ങിയ ശേഷമാണ് അടൂർ ആരിഫ് മുഹമ്മദ് ഖാനെ വാഴ്ത്തിയത്. ഇത്രയും ജനപ്രിയനായിട്ടുള്ള ഒരു ഗവര്ണറെ കേരളം ഇതുവരെ കണ്ടിട്ടില്ലെന്നാണ് അദ്ദേഹം വേദിയിൽ പറഞ്ഞത്.
ജനപ്രിയനായ ഗവർണറാണ് ആരിഫ് മുഹമ്മദ് ഖാൻ. കേരളമെന്ന ഈ നാട് വിട്ട് പോകുന്നതിനെപ്പറ്റി ആലോചിക്കുകപോലും ചെയ്യരുതെന്ന് ഗവർണറോട് അടൂർ ഗോപാലകൃഷ്ണൻ പറഞ്ഞു. ഇനി പോകണമെന്ന് തീരുമാനിച്ചാലും തങ്ങൾ വിടുകയില്ലെന്നും കേരളീയർ ഒരു രക്ഷിതാവിനെ പോലെയാണ് ഗവർണറെ കാണുന്നതെന്നും അദ്ദേഹം പറഞ്ഞു. ആരിഫ് മുഹമ്മദ് ഖാൻ കേരളം വിട്ട് പോകരുതെന്നാണ് കേരളീയർ ആഗ്രഹിക്കുന്നതെന്നും അങ്ങനെയുള്ള ആരിഫ് മുഹമ്മദ് ഖാനില് നിന്നും അവാര്ഡ് വാങ്ങാന് സാധിച്ചതില് തനിക്ക് അഭിമാനമുണ്ടെന്നും അടൂര് ഗോപാലകൃഷ്ണന് കൂട്ടിച്ചേർത്തു.
