ഡെറാഡൂൺ: സംസ്ഥാനത്ത് നിക്ഷേപ സ്വാതന്ത്ര്യം വർദ്ധിപ്പിക്കുമെന്ന് വ്യക്തമാക്കി ഉത്തരാഖണ്ഡ് മുഖ്യമന്ത്രി പുഷ്‌കർ സിംഗ് ധാമി. അടുത്ത അഞ്ച് വർഷത്തിനുള്ളിൽ ടൂറിസം മേഖലയിൽ വൻ കുതിപ്പുകൾ സൃഷ്ടിക്കുകയാണ് ലക്ഷ്യം. ടൂറിസം വികസന വകുപ്പിന്റെ നേതൃത്വത്തിൽ നടന്ന ചർച്ചയിലാണ് ഇക്കാര്യം അറിയിച്ചത്.
ടൂറിസം മേഖലയിലെ നിക്ഷേപകരെ ആകർഷിക്കുന്നതിനും ടൂറിസവുമായി ബന്ധപ്പെട്ട പദ്ധതികൾ നടപ്പിലാക്കുന്നതിനുമായി ആർ മീനാക്ഷി സുന്ദരം ഐഎഎസിന്റെ നേതൃത്വത്തിൽ കമ്മിറ്റിയെ നിയോഗിക്കുമെന്ന് ധാമി അറിയിച്ചു.
സാമ്പത്തിക മേഖല, പിഡബ്ല്യൂഡി, മലിനീകരണ നിയന്ത്രണ ബോർഡ്, പോലീസ് തുടങ്ങിയ വകുപ്പുകളിൽ നിന്നുള്ള ഉദ്യോഗസ്ഥർ കമ്മിറ്റിയിൽ ഉണ്ടാകും. ടൂറിസം മേഖലയിലേക്ക് നിക്ഷേപകരെ ആകർഷിക്കുന്നതിനായി നയങ്ങൾ ലളിതമാക്കുമെന്നും മുഖ്യമന്ത്രി വ്യക്തമാക്കി.
