നായയും മനുഷ്യനും തമ്മിലുള്ള സ്നേഹത്തിന്റെ കഥ പറയുന്ന ചിത്രമാണ് 777 ചാർലി. ധർമ എന്ന യുവാവും ചാർളി എന്ന നായയും തമ്മിലുള്ള ആത്മബന്ധം ഒരോ കാഴ്ചക്കാരന്റെയും മനം നിറച്ചിരുന്നു. നിലവിൽ ചിത്രവുമായി ബന്ധപ്പെട്ട് പുതിയ തീരുമാനം എടുത്തിരിക്കുകയാണ് ഇതിന്റെ അണിയപ്രവർത്തകർ. 777 ചാർളിക്ക് ലഭിക്കുന്ന ലാഭവിഹിതത്തിന്റെ അഞ്ച് ശതമാനം മൃഗങ്ങളുടേയും , നായ്ക്കളുടേയും ക്ഷേമത്തിനായി പ്രവർത്തിക്കുന്ന എൻജിഒകൾക്ക് നൽകാനാണ് തീരുമാനം.
ചിത്രത്തിൽ പ്രധാന കഥാപാത്രത്തെ അവതരിപ്പിച്ച രക്ഷിത് ഷെട്ടിയാണ് കഴിഞ്ഞ ദിവസം ഇക്കാര്യം അറിയിച്ചത്. ഈ തുക നൽകുന്നത് ചാർളിയുടെ പേരിൽ ആയിരിക്കും. അതേസമയം ചാർളി നിങ്ങൾക്ക് മുന്നിൽ എത്തിയിട്ട് 25 ദിവസമായി. നിങ്ങൾ നൽകിയ സ്നേഹത്തിന് നന്ദി. നിങ്ങൾ നൽകിയ അംഗീകാരം വളരെ വലുതാണെന്നും രക്ഷിത് പറഞ്ഞു.
ഇതിന് പുറമെ ‘777 ചാർലി’ എന്ന ചിത്രത്തിന് ലഭിക്കുന്ന ലാഭത്തിന്റെ 10 ശതമാനം ഈ സിനിമ സാധ്യമാക്കാൻ ഒപ്പം നിന്ന ഓരോ വ്യക്തിക്കും പങ്കിടാനും അണിയറ പ്രവർത്തകർ തീരുമാനിച്ചിരിക്കുകയാണ്.
മലയാളം , തമിഴ് , കന്നട, തെലുങ്ക് , ഹിന്ദി എന്നീ അഞ്ച് ഭാഷകളിലാണ് ചിത്രം കാണികൾക്ക് മുന്നിൽ എത്തിയത്.മലയാളിയായ കിരൺ രാജ്. കെ ആണ് ചിത്രം തിരക്കഥയെഴുതി സംവിധാനം ചെയ്തത്.മലയാളിയായ നോബിളായിരുന്നു സംഗീത സംവിധാനം.
Comments