തിരുവനന്തപുരം: രാജ്യസഭയിലേക്ക് നാമനിർദ്ദേശം ചെയ്യപ്പെട്ടവർക്ക് അഭിനന്ദനങ്ങൾ അറിയിച്ച് നടൻ മോഹൻലാലും, മുൻ എംപി സുരേഷ് ഗോപിയും. പ്രധാനമന്ത്രിയുടെ സ്ഥാനാർത്ഥി പ്രഖ്യാപനത്തിന് പിന്നാലെയായിരുന്നു അഭിനന്ദനങ്ങളുമായി ഇരുവരും രംഗത്തുവന്നത്. ഫേസ്ബുക്കിലൂടെയാണ് അഭിനന്ദനങ്ങൾ അറിയിച്ചിരിക്കുന്നത്.
കേരളത്തിൽ നിന്നും രാജ്യസഭയിലേക്ക് നാമനിർദ്ദേശം ചെയ്യപ്പെട്ട പി.ടി ഉഷയ്‌ക്കും, സംഗീത സംവിധായകൻ ഇളയ രാജയ്‌ക്കുമാണ് മോഹൻലാൽ അഭിനന്ദനങ്ങൾ അറിയിച്ചത്. ഇരുവരുടെയും ചിത്രങ്ങളും അദ്ദേഹം പങ്കുവെച്ചിട്ടുണ്ട്. രാജ്യസഭയിലേക്ക് നാമനിർദ്ദേശം ചെയ്യപ്പെട്ട മഹാനായ സംഗീതജ്ഞൻ ഇളയരാജയ്‌ക്കും, ട്രാക്കിലെ ഇന്ത്യയുടെ രാജ്ഞി പി.ടി ഉഷയ്‌ക്കും അഭിനന്ദനങ്ങൾ. ഇരുവർക്കും ആശംസകൾ- മോഹൻലാൽ ഫേസ്ബുക്കിൽ കുറിച്ചു.
രാജ്യസഭയിലേക്ക് നാമനിർദ്ദേശം ചെയ്യപ്പെട്ട പി.ടി ഉഷ, ഇളയരാജ, വീരേന്ദ്ര ഹെഗാഡേ, വിജയേന്ദ്ര പ്രസാദ് എന്നിവർക്ക് അഭിനന്ദനങ്ങളെന്ന് സുരേഷ് ഗോപി ഫേസ്ബുക്കിൽ കുറിച്ചു. തങ്ങളുടെ സംഘത്തിലേക്ക് സ്വാഗതം. മികച്ച പ്രകടനം കാഴ്ചവയ്‌ക്കുന്നതിനായി പ്രാർത്ഥിക്കുന്നുവെന്നും അദ്ദേഹം പറഞ്ഞു.
