കണ്ണിനെ കബളിപ്പിക്കുന്ന ഒപ്റ്റിക്കൽ ഇല്ല്യൂഷൻ ചിത്രങ്ങൾ ലപ്പോഴും സമൂഹമാദ്ധ്യമങ്ങളിൽ തരംഗമായി മാറാറുണ്ട്. നമ്മുടെ കണ്ണുകളെ പരീക്ഷിക്കുന്ന ഇത്തരം ചിത്രങ്ങളിൽ ഒരു ചോദ്യവും ഉത്തരവും ഒളിഞ്ഞിരിക്കുന്നുണ്ടാകും. അതിലെ ഉത്തരം കണ്ടെത്തുക എന്നത് അത്ര എളുപ്പമുള്ള കാര്യമല്ല. അത്ര സൂക്ഷ്മതയോടെ ശ്രദ്ധിച്ചെങ്കിൽ മാത്രമേ ഇതിലെ ഉത്തരങ്ങൾ നമുക്ക് കണ്ടെത്താൻ സാധിക്കുകയുള്ളു.
ഇത്തരത്തിൽ കാർട്ടൂണിസ്റ്റായ ഗെർക്കെലി ഡുഡാസിന്റെ ഒരു ചിത്രം സമൂഹമാദ്ധ്യമങ്ങളിൽ വളരെ വേഗത്തിലാണ് പ്രചാരം നേടിയത്. ചിത്രത്തിൽ നിറയെ കോഴിക്കുഞ്ഞുങ്ങളെയാണ് കാണാനാകുന്നത്. എന്നാൽ ഈ ചിത്രത്തിൽ അഞ്ച് നാരങ്ങകൾ ഒളിച്ചിരിപ്പുണ്ട്. ഈ നാരങ്ങകളെ കണ്ടെത്തുക എന്നതാണ് കാഴ്ചക്കാർക്ക് മുന്നിലെ ചലഞ്ച്.
നാരങ്ങകൾ കണ്ടെത്താൻ സമയവും നൽകിയിട്ടുണ്ട്. 21 സെക്കന്റിനുള്ളിലാണ് ഇത് കണ്ടെത്തേണ്ടത്. എന്നാൽ ചിത്രം നിറയെ മഞ്ഞ നിറമായതിനാൽ ഇതത്ര എളുപ്പമുള്ള കാര്യമല്ല. രണ്ടോ മൂന്നോ നാരങ്ങകൾ പെട്ടന്ന് കണ്ടെത്തിയാലും, അഞ്ച് നാരങ്ങകൾ കണ്ടെത്തുക എന്നത് അതീവ ദുഷ്കരമാണെന്നാണ് ചലഞ്ച് ഏറ്റെടുത്തവർ പറയുന്നത്.
Comments