ലണ്ടൻ: റഫേൽ നദാൽ വിംബിൾഡൺ സെമിയിൽ നിന്ന് പിന്മാറി. അടിവയറിന്റെ പേശിയിലുണ്ടായ പരിക്കാണ് പിന്മാറാനുണ്ടായ കാരണമെന്ന് വിംബിൾഡൺ സംഘാടകർ അറിയിച്ചു. ലോക രണ്ടാം നമ്പർ ഓസ്‌ട്രേലിയയുടെ നിക് കിർഗിയോസിനോടാണ് സെമിയിൽ ഏറ്റുമുട്ടാനിരുന്നത്.
ക്വാർട്ടറിൽ അതിശക്തമായ പോരാട്ടം നടത്തിയാണ് നദാൽ സെമിയിലേക്ക് എത്തിയത്. അഞ്ചു സെറ്റ് നീണ്ട പോരാട്ടത്തിനൊടുവിലാണ് ടെയ്‌ലർ ഫ്രിറ്റ്‌സിനെ നദാൽ കീഴടക്കിയത്. നാലുമണിക്കൂറും 20 മിനിറ്റുമാണ് മത്സരം നീണ്ടുനിന്നത്. 3-6, 7-5, 3-6, 7-5, 7-6 എന്ന സ്‌കോറിനാണ് നദാൽ ജയിച്ചത്.
സെമിയിൽ കിർഗിയോസിന്റെ എതിരാളി നൊവാക് ജോക്കോവിച്ച്- കാമറൂൺ നൂറി മത്സരത്തിലെ വിജയിയെ ആയിരിക്കും. തന്റെ ആദ്യ ഗ്രാൻഡ് സ്ലാം സെമിയിലാണ് കിർഗിയോസ് കളിക്കാനിറങ്ങുന്നത്. ക്വാർട്ടറിൽ ക്രിസ്റ്റിയൻ ഗാരിനെയാണ് കിർഗിയോസ് 6-4, 6-3, 7-6ന് തോൽപ്പിച്ചത്.
