സമൂഹമാദ്ധ്യമങ്ങളിൽ ഒപ്റ്റിക്കൽ ചിത്രങ്ങൾ വളരെ വേഗമാണ് വൈറലാവാറുള്ളത്. അൽപ്പം ക്ഷമയും ഏകാഗ്രതയും ബുദ്ധിയും എല്ലാം ഉപയോഗിച്ചുള്ള പരീക്ഷണമാണ് ഓരോ ഒപ്റ്റിക്കൽ ഇല്യൂഷൻ ചിത്രത്തിന്റെയും ഉത്തരം കണ്ടുപിടിക്കുക എന്നത്. പരസ്പരം ഇത്തരം ചിത്രങ്ങൾ പങ്കുവെച്ച് ചാലഞ്ച് നടത്തുന്നത് ഒരു പതിവായിരിക്കുകയാണ്. അങ്ങനെ നിരവധി പേരെ ചലഞ്ചുകളിൽ പരാജയപ്പെടുത്തിയ ഒരു ചിത്രത്തിന്റെ ഉത്തരം തേടുകയാണ് ആളുകളിപ്പോൾ.
എല്ലുമായി ഇരിക്കുന്ന ഒരു കുഞ്ഞ് നായയുടെ ചിത്രമാണ് 80 ശതമാനം ആളുകളെയും പരാജയപ്പെടുത്തിയത്. ഈ ചിത്രത്തിൽ ഒരു മനുഷ്യന്റെ രൂപമാണ് ഒളിഞ്ഞിരിക്കുന്നത്. റഷ്യൻ കാർട്ടൂണിസ്റ്റ് വാലന്റൈൻ ഡുബിനിൻ ആണ് ഈ ഒപ്റ്റിക്കൽ ഇല്യൂഷൻ ചിത്രം രൂപകൽപന ചെയ്തത്. ഈ ചിത്രത്തിൽ ഒളിഞ്ഞിരിക്കുന്ന മനുഷ്യനെ 11 സെക്കൻഡിനുള്ളിൽ കണ്ടെത്താൻ വളരെക്കുറച്ച് മാത്രം ആളുകൾക്കേ കഴിയൂ എന്നാണ് അദ്ദേഹത്തിന്റെ അവകാശവാദം. ഡുബിന്റെ വെല്ലുവിളി സ്വീകരിച്ച് ഒെേട്ട പേരാണ് ചലഞ്ച് ഏറ്റെടുത്തത്. എന്നാൽ കുറച്ച് പേർക്ക് മാത്രമേ വിജയിക്കാനായുള്ളൂ. 11 സെക്കൻഡ് മാത്രമാണ് ചലഞ്ചിന്റെ സമയം എന്നതാണ് പലരെയും കുഴക്കിയത്.
എന്താണിതിന്റെ ഉത്തരം എന്നല്ലേ?
നമ്മുടെ കണ്ണുകൾ മനുഷ്യനെ തേടി നായയുടെ കൈകളിലും കാലുകളിലും കണ്ണുകളിലും എന്തിന് നിഴലിൽ വരെ പരിശോധന നടത്തി. എന്നാൽ മനുഷ്യനെ കണ്ടെത്താനായില്ല അല്ലേ? ചിത്രം ഒന്ന് തല തിരിച്ച് നോക്കൂ.
ഇവിടെ മനുഷ്യൻ ഒളിച്ചിരിക്കുകയായിരുന്നു. ആ രൂപം ഒരു മനുഷ്യനാണെന്ന് തോന്നുന്നു, നായയുടെ അസ്ഥി മനുഷ്യന്റെ മൂക്കാണെന്ന് തോന്നുന്നു. പരവതാനി തൊപ്പിയായി മാറുന്നു, നായയുടെ രോമങ്ങൾ മനുഷ്യന്റെ താടിയായി കാണാം. എന്ത് എളുപ്പം അല്ലേ? ഇത് തന്നെയാണ് ഒപ്റ്റിക്കൽ ഇല്യൂഷന്റെ പ്രത്യേകതയും.
Comments