പട്ന : കുർത്തയും പൈജാമയും ധരിച്ച് വന്ന സ്കൂൾ പ്രധാനാദ്ധ്യാപകനെ ചീത്തവിളിച്ച് ജില്ലാ മജിസ്ട്രേറ്റ്. ബീഹാറിലെ ലക്കിസാരായി ജില്ലയിലാണ് സംഭവം. ബാൽഗുദാറിലെ ഗേൾസ് പ്രൈമറി സ്കൂളിലെ ഹെഡ് മാഷിനെയാണ് പൈജാമ ധരിച്ചെത്തിയതിന് ശകാരിച്ചത്. ഇതിന്റെ വീഡിയോ സമൂഹമാദ്ധ്യമങ്ങളിൽ പ്രചരിക്കുന്നുണ്ട്.
ജില്ലാ മജിസ്ട്രേറ്റായ സഞ്ജയ് കുമാർ സ്കൂളിൽ പരിശോധനയ്ക്ക് എത്തിയതായിരുന്നു. അപ്പോഴാണ് ഹെഡ് മാഷ് കുർത്തയും പൈജാമയും ധരിച്ചത് ശ്രദ്ധയിൽ പെട്ടത്. നിങ്ങളെ കാണാൻ അദ്ധ്യാപകനെ പോലെയില്ലെന്നും, ഒരു ജനപ്രതിനിധിയെ പോലെ തോന്നുന്നുവെന്നും സഞ്ജയ് കുമാർ പറഞ്ഞു. സ്കൂളിന്റെ പ്രവർത്തനരീതിയെയും മജിസ്ട്രേറ്റ് ചോദ്യം ചെയ്തു.
Does wearing "Kurta Pyjama" by a teacher is now crime in India??
This DM is ordering 'show cause' and 'salary cut' notice just for wearing "Kurta Pyjama".
The way this English Babu DM is behaving, is it anyhow acceptable @jsaideepak and @JaipurDialogues sir?? pic.twitter.com/wr8MUsrSFV— Saurabh Pathak (@SaurabhPathakJi) July 10, 2022
തുടർന്ന് വിദ്യാഭ്യാസ ഓഫീസറെ വിളിച്ച് ഹെഡ്മാസ്റ്ററെ സസ്പെൻഡ് ചെയ്യണമെന്ന് ആവശ്യപ്പെടുന്നതും വീഡിയോയിൽ കാണാം. ശമ്പളം വെട്ടിക്കുറയ്ക്കാനും സ്കൂൾ ഹെഡ്മാസ്റ്റർക്ക് കാരണം കാണിക്കൽ നോട്ടീസ് നൽകാനും ഉത്തരവിട്ടു.
ഇതിന്റെ വീഡിയോ വൈറലായതോടെ പ്രതികരണവുമായി ആളുകൾ രംഗത്തെത്തി. ഇന്ത്യയിൽ കുർത്തയും പൈജാമയും ധരിക്കുന്നത് ഇത്രയും മോശമായോ എന്നും ഹെഡ് മാഷിന്റെ വസ്ത്രധാരണ രീതിയിൽ എന്താണ് മോശം എന്നുമുള്ള ചോദ്യങ്ങളാണ് ജനങ്ങളിൽ നിന്നും ഉയരുന്നത്.
