ക്രിസ്റ്റിയാനോ റൊണാൾഡോയെ ഒരു കാരണവശാലും വിൽക്കില്ലന്നു മാഞ്ചസ്റ്റർ യുണൈറ്റഡ് പുതിയ മാനേജർ എറിക് ടെൻ ഹാഗ് പറഞ്ഞു . അദ്ദേഹം കുടുംബപരമായ ചില കാര്യങ്ങൾ ഉള്ളത് കൊണ്ടാണ് കളിയിൽ നിന്നും താത്കാലികമായി മാറി നിന്നത് . അദ്ദേഹവുമായി ഞാൻ ഫോണിൽ സംസാരിച്ചിരുന്നു . വളരെ സൗഹാർദ്ദപരമായ സംസാരമായിരുന്നു അത്. ലിവർപൂളുമായിട്ടുള്ള സൗഹൃദ മത്സരത്തിൽ അദ്ദേഹം കളിക്കും . ” ഞങ്ങൾ ക്രിസ്റ്റിയാനോയെ അടുത്ത സീസണിലേക്കായി തയ്യാറെടുപ്പിച്ചു കൊണ്ടിരിക്കുകയാണ് . അവനോടൊപ്പം കളിക്കാനാണ് ഞാൻ ആഗ്രഹിക്കുന്നത് . അവൻ ഞങ്ങളുടെ പ്രധാന കളിക്കാരനും ചാലകശക്തിയുമാണ് . ഞങ്ങൾ അടുത്ത കളി ജയിച്ചിരിക്കും ” ഇങ്ങനെയാണ് ടെൻ ഹാഗ് പറഞ്ഞത് .
കഴിഞ്ഞ സീസണിലാണ് റൊണാൾഡോ മാഞ്ചസ്റ്ററിലേക്കു വന്നത് . ഇംഗ്ലീഷ് പ്രീമിയർ ലീഗിൽ ആറാം സ്ഥാനത്തു നിൽക്കുന്ന ടീമിനെ മുന്നിലേക്ക് എത്തിക്കുകയാണ് ലക്ഷ്യം എന്നും ടെൻ ഹാഗ് വ്യക്തമാക്കി . കാഴിഞ്ഞ സീസണിൽ കളിച്ച എല്ലാ കളികളിലുമായി മാഞ്ചസ്റ്ററിനു വേണ്ടി 24 ഗോളുകളാണ് റൊണാൾഡോ നേടിയത് . ക്ലബ്ബിന്റെ മികച്ച കളിക്കാരൻ എന്ന ബഹുമതിയും റൊണാൾഡോ സ്വന്തമാക്കിയിരുന്നു . മാഞ്ചസ്റ്റർ യുണൈറ്റഡ് ടീം ക്യാപ്റ്റനായി ഇംഗ്ലണ്ടിന്റെ ഡിഫെന്റർ ഹാരി മഗ്വയർ തന്നെ തുടരുമെന്നും അദ്ദേഹം പറഞ്ഞു .
