കങ്കണ റണാവത്ത് മുൻ പ്രധാനമന്ത്രി ഇന്ദിരാഗാന്ധിയായി വേഷമിടുന്ന ചിത്രം എമർജൻസിയുടെ ഫസ്റ്റ് ലുക്ക് ടീസർ പുറത്തിറങ്ങി. ചിത്രത്തിന്റെ കഥയും സംവിധാനവും നിർമ്മാണവും കങ്കണ തന്നെയാണ് നിർവഹിക്കുന്നത്. ചിത്രത്തിന്റെ ടീസറിന് വൻ വരവേൽപ്പാണ് ലഭിക്കുന്നത്. ഗംഭീര മേക്കോവറിലാണ് ചിത്രത്തിൽ കങ്കണ പ്രത്യക്ഷപ്പെടുന്നത്.
പേര് പോലെ തന്നെ അടിയന്തരാവസ്ഥ സമയം പശ്ചാത്തലമാക്കുന്ന ചിത്രമാണിത്. കങ്കണയുടെ രണ്ടാമത്തെ സംവിധാന സംരംഭമാണിത്. 2019ൽ പുറത്തിറങ്ങിയ ‘മണികർണിക: ദ ക്വീൻ ഝാൻസി’ ആണ് കങ്കണ സംവിധാനം ചെയ്ത ആദ്യ ചിത്രം. ഇതിലും പ്രധാന കഥാപാത്രത്തെ അവതരിപ്പിച്ചത് കങ്കണ തന്നെ ആയിരുന്നു. 2023ല് ചിത്രം തീയേറ്ററുകളിലെത്തും.
Comments