ബെംഗളൂരു : ഹിന്ദു സമൂഹത്തിനെതിരെ നടക്കുന്ന സംഘടിത മതപരിവർത്തനത്തെ ചെറുത്ത് തോൽപ്പിക്കണമെന്ന് ആർ എസ് എസ് സർസംഘചാലക് മോഹൻജി ഭാഗവത് പറഞ്ഞു . മതപരിവർത്തനം യാതൊന്നിനും പരിഹാരമല്ല . അതിന് നമ്മുടെ കുടുംബ ബന്ധങ്ങളുടെ വേരുകൾ അറുത്തു മാറ്റാൻ മാത്രമേ സാധിക്കുകയുള്ളു. കർണാടകയിലെ ചിത്രദുർഗിലെ ദളിത് മഠമായ ശ്രീ ശിവശരൻ മദാരയിൽ സംഘടിപ്പിച്ച പരിപാടിയിൽ സംസാരിക്കുകയായിരുന്നു അദ്ദേഹം .
സംഘം പ്രവർത്തനകാലം തൊട്ട് പിന്നോക്ക വിഭാഗങ്ങളുടെ ഉന്നമനത്തിനായി പ്രവർത്തിച്ചു കൊണ്ടിരിക്കുകയാണ് . ഹിന്ദു സമൂഹത്തിൽ നിലനിൽക്കുന്ന അസമത്വങ്ങളും , ചിന്തകളും മാറാനായി നാം ഒരുമിച്ച് പ്രവർത്തിക്കണം . ഇപ്പോഴും പലയിടങ്ങളിലും ജാതീയപരമായ തൊട്ടുകൂടായ്മയും , നീച പ്രവർത്തനങ്ങളും നിലനിൽക്കുന്നുണ്ട് . ഇതിനെല്ലാം മാറ്റം വരുത്താനായി നാം കൂടുതൽ ബോധവൽക്കരണം നൽകി ജനങ്ങളിലേക്ക് ഇറങ്ങേണ്ടതുണ്ട് .
രാഷ്ട്രീയ പരമായ ഒട്ടനവധി വിവാദങ്ങൾ നടക്കുമ്പോളാണ് മോഹൻ ഭാഗവത് ഇത്തരത്തിൽ ഒരു പ്രസ്താവന നടത്തുന്നത് . സംഘം ഹിന്ദു സമൂഹത്തിന്റെ ക്ഷേമത്തിന് വേണ്ടി നിലകൊള്ളുന്ന പ്രസ്ഥാനമാണ് . അതോടൊപ്പം മറ്റു മതങ്ങളെ ബഹുമാനിക്കുകയും ചെയ്യുന്നു. വളരെ കാലങ്ങളായി സംഘത്തിന്റെ പ്രവർത്തനം സമൂഹത്തിന്റെ വിവിധ മേഖലകളിലായി നടക്കുന്നുണ്ട് . ചിന്നി ചിതറി കിടന്ന ഹിന്ദു സമൂഹത്തെ രാഷ്ട്ര ഭക്തിയും , ദിശാബോധവും , ആത്മവിശ്വാസവും സ്വയം പര്യാപ്തതയും കൈവരിക്കുന്ന തലത്തിലേക്ക് ഉയർത്തി കൊണ്ടുവരുന്ന പ്രവർത്തനമാണ് സംഘം കുറെ കാലങ്ങളായി ചെയ്തു കൊണ്ടിരിക്കുന്നത് .
സംഘം സമൂഹത്തിന്റെ വിവിധങ്ങളായിട്ടുള്ള മേഖലകളിൽ പ്രവർത്തിക്കുന്നുണ്ട് . മതപരിവർത്തനം പോലെ ഉള്ള നാടിന്റെ അസ്തിത്വം ഇളക്കി കളയുന്ന നീചമായ പ്രവർത്തനങ്ങൾക്കെതിരെ സംഘം വ്യക്തമായ നിലപാട് എല്ലാ കാലത്തും സ്വീകരിച്ചിട്ടുണ്ട് . ഹിന്ദു സമൂഹത്തിലെ അശരണരായ പാവങ്ങളെ മതപരിവർത്തനത്തിന് വിധേയമാക്കുന്നവരുടെ ഉദ്ദേശം നമ്മുടെ നാടിന്റെ വേരറുത്ത് മാറ്റുക എന്ന ലക്ഷ്യമാണ് .
സംഘത്തിന് ആരോടും ശത്രുത ഇല്ല . സംഘം ആരെയും ഉപദ്രവിക്കാനോ ബുദ്ധിമുട്ടിക്കാനോ പോകാറുമില്ല . ഞങ്ങൾക്ക് ഒരുപാടു കാര്യങ്ങൾ സമൂഹത്തിനും , നാടിനും വേണ്ടി ചെയ്തു തീർക്കാനുണ്ട് . സംഘത്തിന്റെ പ്രവർത്തകർ ആ തിരക്കിൽ മുഴുകിയിരിക്കുകയാണ് . എന്നാൽ ഹിന്ദുവിനെ അസ്ഥിര പെടുത്തുന്ന ഇത്തരം പ്രവർത്തനങ്ങളുമായി വന്നാൽ വെറുതെ നോക്കി ഇരിക്കില്ല എന്നും അദ്ദേഹം കൂട്ടിച്ചേർത്തു .
Comments