ശ്രീനഗർ : മേഘവിസ്ഫോടനത്തെ തുടർന്നുണ്ടായ കനത്ത മഴ മൂലം ഇടയ്ക്ക് നിർത്തിവെച്ചിരുന്ന അമർനാഥ് തീർത്ഥാടനം വീണ്ടും സജീവമായി. ഇന്ന് 5,649 ഓളം തീർത്ഥാടകരാണ് യാത്ര തിരിച്ചിരിക്കുന്നത്. ഭഗവതി നഗർ ബേസ് ക്യാമ്പിൽ നിന്നാണ് ഇവർ പുറപ്പെട്ടത്. 198 വാഹനങ്ങളിലായി ആണ് ഇവർ യാത്ര ആരംഭിച്ചിരിക്കുന്നത്. ഇതിന് പുറമെ തീർത്ഥാടകർക്ക് സിആർപിഎഫ് കനത്ത സുരക്ഷയും ഒരുക്കിയിട്ടുണ്ട്.
ബാൽത്താലിലേക്ക് പോകുന്ന തീർത്ഥാടകരാണ് ക്യാമ്പിൽ നിന്നും ആദ്യം പുറപ്പെട്ടത്. 85 വാഹനങ്ങളിലായി 2558 യാത്രക്കാരാണ് ഇവിടേക്ക് യാത്ര തിരിച്ചത്. ഇതിന് പിന്നാലെ പഹൽഗാമിലേക്ക് 3,091 തീർത്ഥാടകരുമായി 113 വാഹനം യാത്ര തിരിക്കുകയായിരുന്നു.
ഇതുവരെ 1.85 ലക്ഷത്തിലധികം തീർത്ഥാടകർ ഗുഹാക്ഷേത്രത്തിൽ പ്രാർഥന നടത്തിയതായി അധികൃതർ അറിയിച്ചു. അതേസമയം ജൂൺ 29 മുതൽ ഭഗവതി നഗർ ക്യാമ്പിൽ നിന്ന് 110,758 തീർത്ഥാടകരാണ് താഴ്വരയിലേക്ക് പുറപ്പെട്ടത്.രക്ഷാ ബന്ധനോടനുബന്ധിച്ച് ഓഗസ്റ്റ് 11 ന് യാത്ര സമാപിക്കും
Comments