ഒന്നുമില്ലായ്മയിൽ നിന്നും സ്വയംപ്രയത്‌നത്തിലൂടെ രാഷ്‌ട്രപതി സ്ഥാനത്തേക്ക് എത്തിയ പെൺകരുത്ത്; ദ്രൗപദി മുർമുവിന്റെ ചില പഴയകാല ചിത്രങ്ങൾ കാണാം

ഇന്ത്യയുടെ പതിനഞ്ചാമത് രാഷ്‌ട്രപതിയായി തിരഞ്ഞെടുക്കപ്പെട്ട ദ്രൗപദി മുർമുവിന്റെ പഴയകാല ചിത്രങ്ങൾ സമൂഹമാദ്ധ്യമങ്ങളിൽ വൈറലാകുന്നു. ഒറീസ സ്വദേശിയായ മുർമുവിന്റെ മയൂർഭഞ്ചിലെ റൈരംഗ്പൂരിലുള്ള വീട്ടിൽ സൂക്ഷിച്ചിരുന്ന ചിത്രങ്ങളാണ് ഇപ്പോൾ സമൂഹമാദ്ധ്യമങ്ങൾ ഏറ്റെടുത്തിരിക്കുന്നത്. ഇവർ നടത്തിവരുന്ന സ്‌കൂളിന്റെയും ഭർത്താവിന്റെയും മക്കളുടെയും സമാധി മണ്ഡപത്തിന്റെയും ചിത്രങ്ങൾ ഇതിലുണ്ട്.

മുർമുവിന്റെ കോളേജ് കാലത്തെ ചിത്രമാണിത്. കുടുംബാംഗങ്ങൾക്കൊപ്പം മുർമു നിൽക്കുന്നത് ചിത്രത്തിൽ കാണാനാകും.

മറ്റൊന്ന് ദ്രൗപദി മുർമു അമ്മയ്‌ക്കും സഹോദരനുമൊപ്പം നിൽക്കുന്ന ചിത്രമാണ്. 2013 ൽ രണ്ട് പേരും മരിച്ചു.

മുർമുവിന്റെ ഉപേർബേദയിലുള്ള വീടിന്റെ ചിത്രങ്ങളാണിത്. മുർമു ജനിച്ച വളർന്ന കുടിലിന് സമീപമാണ് ഈ വീട് സ്ഥിതി ചെയ്യുന്നത്. വീടിനുള്ളിലെ അടുക്കളയുടെ ദൃശ്യങ്ങളും കാണാം.

ഭർത്താവിന്റെ ജന്മസ്ഥലത്ത് അദ്ദേഹത്തിനായി സമാധി ഒരുക്കിയിരിക്കുന്നതിന്റെ ദൃശ്യങ്ങളാണ് താഴെ കാണുന്നത്. ഭർത്താവ് ശ്യാം ചരണിന്റെ സമാധിക്ക് തൊട്ടടുത്താണ് മക്കളായ ലക്ഷ്മൺ, ഷിപുൺ എന്നിവർക്കും സമാധിയൊരുക്കിയിരിക്കുന്നത്. മുർമുവിന്റെ നേതൃത്വത്തിൽ സൗജന്യ വിദ്യാഭ്യാസം നൽകുന്ന ഒരു റെസിഡൻഷ്യൽ സ്‌കൂളിന് സമീപത്താണ് ഈ മണ്ഡപം.

#DroupadiMurmu #PresidentialElections2022 Droupadi Murmu who is set to be president has built samadhi at Pahadpur, her husband’s native village.Her husband Shyam Charan,sons Lakshman and Shipun’s samadhi is next to a residential school that gives free education. pic.twitter.com/lK5SgImQKJ

— Sheela Bhatt शीला भट्ट (@sheela2010) July 21, 2022

പഹദ്പൂരിൽ മുർമു സൗജന്യ വിദ്യാഭ്യാസമൊരുക്കിയിരിക്കുന്ന സ്‌കൂളാണ് ചിത്രത്തിൽ കാണുന്നത്. സമാധിയും തൊട്ടടുത്തുണ്ട്.

മുർമു നിലവിൽ താമസിക്കുന്ന വീടിന്റെ ദൃശ്യങ്ങളാണിത്.