മലയാളികളുടെ പ്രിയതാരങ്ങളായ മോഹൻലാലിനും മമ്മൂട്ടിക്കും നന്ദി അറിയിച്ച് സൂര്യ. 47 -ാം പിറന്നാൾ ആഘോഷിക്കുന്ന സൂര്യയ്‌ക്ക് കഴിഞ്ഞ ദിവസം ദേശീയ അവാർഡ് ലഭിച്ചിരുന്നു. ഇതിന് പിന്നാലെ സൂര്യയെ അഭിനന്ദിച്ചും ജന്മദിന ആശംസകൾ നേർന്നും മോഹൻലാലും മമ്മൂട്ടിയും രംഗത്ത് എത്തിയിരുന്നു. തിരിച്ച് അവരോടുള്ള മറുപടിയുമായി എത്തിയിരിക്കുകയാണ് സൂര്യ. മമ്മൂട്ടിയുടേയും മോഹൻലാലിന്റേയും ട്വിറ്റർ പോസ്റ്റുകൾ റീ ഷെയർ ചെയ്തുകൊണ്ടുള്ള മറുപടിയാണ് സൂര്യ നൽകിയത്.
ചില ജന്മദിന സമ്മാനങ്ങൾ വിലയേറിയ യാദൃശ്ചികങ്ങളാണ്. ഒരിക്കൽ കൂടി ജന്മദിനാശംസകളും അഭിനന്ദനങ്ങളും, പ്രിയ സൂര്യ എന്നായിരുന്നു മോഹൻലാൽ ആസംസകൾ അറിയിച്ചത്. ‘ സത്യമാണ് സർ! എന്നെ വിളിച്ചത്തിനും പിറന്നാൾ ആശംസിച്ചതിനും നന്ദി സാർ ‘ എന്നാണ് സൂര്യ മോഹൻലാലിന് മറുപടി നൽകിയത്.
‘പ്രിയപ്പെട്ട സൂര്യ, താങ്കൾക്ക് മനോഹരമായ ഒരു പിറന്നാൾ സമ്മാനം ലഭിച്ചിരിക്കുന്നു എന്നായിരുന്നു മമ്മൂട്ടിയുടെ ആശംസകൾ. ഇതിന് മറുപടിയായി ഈ പ്രചോദനം കൂടുതൽ ഉയരങ്ങളിൽ എത്തിക്കും. നന്ദി സാർ എന്ന് സൂര്യയും പ്രതികരിച്ചു.
ഇവർക്ക് പുറമെ ജ്യോതികയ്ക്കും താരം നന്ദി പറഞ്ഞു. സുരരൈ പോട്ര് നിർമ്മിക്കുകയും അഭിനയിക്കണമെന്ന് നിർബന്ധിക്കുകയും ചെയ്തതിനായിരുന്നു ഇത്. ‘സുരരൈ പോട്ര് നിർമ്മിക്കുകയും അഭിനയിക്കണമെന്ന് നിർബന്ധിക്കുകയും ചെയ്ത എന്റെ ജ്യോതികയ്‌ക്ക് എന്റെ പ്രത്യേക നന്ദി. അവാർഡ് മക്കളായ ദിയക്കും, ദേവിനും സ്നേഹം നിറഞ്ഞ കുടുംബത്തിനും സമർപ്പിക്കുന്നുവെന്നും’ സൂര്യ ട്വീറ്റ് ചെയ്തു.
