ബംഗളൂരു: കർണാടകയിൽ അജ്ഞാത സംഘം യുവാവിനെ വെട്ടിക്കൊലപ്പെടുത്തിയ സംഭവം രാഷ്ട്രീയ കൊലപാതകമാണെന്ന കുപ്രചാരണങ്ങൾ പൊളിയുന്നു. സുന്നി മുസ്ലീമായിരുന്ന യുവാവിന് ഷിയ മുസ്ലീം പെൺകുട്ടിയുമായുള്ള പ്രണയബന്ധമാണ് കൊലപാതകത്തിന് പിന്നിലെന്നാണ് വിവരം.
ഇരുവരുടെയും പ്രണയബന്ധത്തിൽ കടുത്ത എതിർപ്പുണ്ടായിരുന്ന പെൺകുട്ടിയുടെ ബന്ധുക്കളാണ് കൊലപാതകം ആസൂത്രണം ചെയ്തതും നടപ്പിലാക്കിയതുമെന്നാണ് പുറത്ത് വരുന്ന വിവരങ്ങൾ.
യുവമോർച്ച പ്രവർത്തകൻപ്രവീണിന്റെ കൊലപാതകത്തിന് പകരമായിട്ടാണ് ഫാസിലിന്റെ മരണമെന്ന് പോപ്പുലർ ഫ്രണ്ട് പ്രചരിപ്പിക്കുന്നതിനിടയിലാണ് ഇത് തള്ളിക്കളയുന്ന നിർണ്ണായക വിവരങ്ങൾ പുറത്ത് വന്നത്.
കഴിഞ്ഞ ദിവസമാണ് സൂറത്ത്കൽ സ്വദേശി ഫാസിലിനെ അജ്ഞാത സംഘം കൊലപ്പെടുത്തിയത്.കാറിലെത്തിയ നാലംഗ സംഘം രാത്രി ഒൻപത് മണിയോടെ കടയുടെ മുന്നിൽ വെച്ച് ഫാസിലിനെ വെട്ടി വീഴ്‌ത്തുകയായിരുന്നു.
