ഭോപ്പാൽ: മദ്ധ്യപ്രദേശിൽ കൻവാർ തീർത്ഥാടകർക്കിടയിലേക്ക് ട്രക്ക് പാഞ്ഞു കയറി. അപകടത്തിൽ രണ്ട് തീർത്ഥാടകർ മരിച്ചു. രംഗ്വാസ് സ്വദേശികളായ ബദ്രിലാൽ പദിഥാർ, മനിഷ് ദുബേയ് എന്നിവരാണ് മരിച്ചത്.
ഖർഗാവിൽ രാവിലെയോടെയായിരുന്നു സംഭവം. ഖേദി ഘട്ടിലെ നർമ്മദ നദിയിൽ നിന്നുള്ള തീർത്ഥ ജലവുമായി പോകുകയായിരുന്നു തീർത്ഥാടകർ. ഇതിനിടെ അമിത വേഗത്തിൽ വന്ന ട്രക്ക് ഇവർക്കിടയിലേക്ക് പാഞ്ഞു കയറുകയായിരുന്നു. അഞ്ച് പേരാണ് സംഘത്തിൽ ഉണ്ടായിരുന്നത്.
വാഹനത്തിനിടയിൽപ്പെട്ട ബദ്രിലാൽ പദിഥാർ സംഭവ സ്ഥലത്തു തന്നെ മരിച്ചു. മനിഷ് ദുബേയ് ആശുപത്രിയിലേക്ക് പോകുന്നതിനിടെയാണ് മരിച്ചത്. ഇരുവരുടെയും മൃതദേഹം പോസ്റ്റ്മോർട്ടത്തിനായി ആശുപത്രിയിൽ സൂക്ഷിച്ചിരിക്കുകയാണ്.
21 പേരാണ് ഗ്രാമത്തിൽ നിന്നും യാത്ര പുറപ്പെട്ടതെന്ന് അപകടത്തിൽപ്പെട്ട സംഘത്തോടൊപ്പമുണ്ടായിരുന്ന ആനന്ദ് ചൗധരി പറഞ്ഞു. ഇതിൽ 16 പേർ ലക്ഷ്യ സ്ഥാനത്ത് എത്തിയിരുന്നു. തങ്ങൾ ഉൾപ്പെട്ട അഞ്ചംഗ സംഘം പതുക്കെയാണ് യാത്ര തിരിച്ചതെന്നും അദ്ദേഹം വ്യക്തമാക്കി.
Comments