ബർമിംഗ്ഹാം; കോമൺവെൽത്ത് ഗെയിംസിൽ സ്വർണ പ്രതീക്ഷയേകി പിവി സിന്ധു. ബാഡ്മിന്റണിൽ ഇന്ത്യയുടെ മിന്നും താരമായി സിന്ധു ഫൈനലിലേക്ക് യോഗ്യത നേടി.വനിതാ സിംഗിൾസ് സെമിയിൽ അനായാസം വിജയിച്ച് കയറുകയായിരുന്നു സിന്ധു. സിംഗപ്പൂർ താരം ജിയ മിൻയിയോയെ ആണ് സിന്ധു തോൽപ്പിച്ചത്. 21-19,21-17 ആണ് സ്കോർ.
കോമൺൽവെൽത്ത് ഗെയിംസിന്റെ പത്താംദിനത്തിൽ നിലവിൽമെഡൽവേട്ടയിൽ അഞ്ചാം സ്ഥാനത്താണ് ഇന്ത്യ. 15 സ്വർണവും 11 വെള്ളിയും 17 വെങ്കലവുമാണ് ഇന്ത്യ നേടിയത്. ഇന്ന് വനിതകളുടെ ബോക്സിങിൽ നിതു ഘൻഘാസും 51 കിലോഗ്രാം വിഭാഗത്തിൽ അമിത് പംഗലും സ്വർണം നേടി.
വനിതാ ഹോക്കിയിൽ ഷൂട്ടൗട്ടിൽ ന്യൂസിലാൻഡിനെ തോൽപ്പിച്ച് ഇന്ത്യ വെങ്കലം സ്വന്തമാക്കി. 16 വർഷങ്ങൾക്കു ശേഷമാണ് കോമൺവെൽത്ത് വനിതാ ഹോക്കിയിൽ ഇന്ത്യക്ക് മെഡൽ ലഭിക്കുന്നത്.
അതേസമയം കോമൺവെൽത്ത് ഗെയിംസ് ക്രിക്കറ്റിൽ ഇന്ന് ഫൈനൽ നടക്കും. ബിർമിങ്ഹാമിലെ എഡ്ജ്ബാസ്റ്റണിൽ ഇന്ത്യയും ഓസ്ട്രേലിയയും തമ്മിൽ നടക്കുന്ന ഫൈനൽ മത്സരം ഇന്ത്യൻ സമയം രാത്രി 9.30ന് ആരംഭിക്കും
Comments