ന്യൂഡൽഹി : അസാദി കാ അമൃത് മഹോത്സവ് എന്നത് സംസ്കാരത്തിന്റെ ഉത്സവമാണെന്ന് പ്രധാനമന്ത്രി നരേന്ദ്ര മോദി. രാജ്യത്തിന്റെ കീർത്തി ഉയർത്തുന്ന കാര്യങ്ങളിലേക്ക് കൂടുതൽ സംഭാവനകൾ ചെയ്യാൻ അവർക്കിത് പ്രചോദനമാകും. രാജ്യസ്നേഹവും അഭിമാനവും യുവാക്കളിൽ നിറയ്ക്കുകയാണ് ലക്ഷ്യമെന്നും അദ്ദേഹം പറഞ്ഞു.
സ്വാതന്ത്ര്യ സമരകാലത്ത് സമരനായകന്മാരിൽ കണ്ട ദേശസ്നേഹം അത്ഭുതപ്പെടുത്തുന്നതാണ്. അതേ തീക്ഷ്ണതയാണ് ഇന്നത്തെ തലമുറയിൽ വളർത്തിയെടുക്കേണ്ടത്. അത് യുവാക്കളെ രാഷ്ട്രനിർമ്മാണത്തിലേക്ക് നയിക്കും. ആസാദി കാ അമൃത് മഹോത്സവ് രാജ്യസ്നേഹത്തിന്റെ അന്തരീക്ഷം സൃഷ്ടിക്കുകയാണെന്നും രാഷ്ട്രനിർമ്മാണ ദൗത്യവുമായി യുവാക്കൾക്ക് മുന്നോട്ട് പോകാൻ ഇത് അസരമൊരുക്കുമെന്നും അദ്ദേഹം പറഞ്ഞു.
വനവാസി സമൂഹങ്ങളിൽ നിന്നുള്ള സ്വാതന്ത്ര്യ സമര സേനാനികളുടെ സംഭാവനകൾ ചൂണ്ടിക്കാട്ടിയ മോദി, പ്രാദേശിക തലത്തിൽ വനവാസി മ്യൂസിയങ്ങൾ നിർമ്മിച്ച് ധീരന്മാരായ പോരാളികൾക്ക് ആദരവ് അർപ്പിക്കണമെന്ന് പറഞ്ഞു.
Comments