കോമൺവെൽത്ത് ഫെൻസിംഗ് ചാമ്പ്യൻഷിപ്പ്; വീണ്ടും സുവർണതാരമായി ഭവാനിദേവി; ഇന്ത്യയ്‌ക്ക് ഒരു സ്വർണം കൂടി

ലണ്ടൻ: കോമൺവെൽത്ത് ഫെൻസിംഗ് ചാമ്പ്യൻഷിപ്പിൽ സുവർണതാരമായി ഇന്ത്യയുടെ ഭവാനി ദേവി. സീനിയർ വനിതാ സബർ വിഭാഗത്തിലാണ് ഭവാനി ദേവി സ്വർണമണിഞ്ഞത്. ഓസ്ട്രേലിയയുടെ വെറോണിക്ക വാസിലേവയെ 15-10 നാണ് ഭവാനിദേവി തോൽപ്പിച്ചത്.

2019 ലും ഈ വിഭാഗത്തിൽ ഭവാനിദേവിക്കായിരുന്നു സ്വർണം. ഓപ്പണിംഗ് റൗണ്ടിൽ ബൈയുടെ ആനുകൂല്യത്തോടെ അടുത്ത റൗണ്ടിലെത്തിയ ഭവാനി ദേവിയുടെ എതിരാളി അലക്സാന്ദ്ര ഡേവിഡ് ആയിരുന്നു. അലക്‌സാന്ദ്ര ഡേവിഡിനെ 15-6 എന്ന സ്‌കോറിന് തോൽപ്പിച്ചാണ് താരം സെമി ഫൈനൽ റൗണ്ടിൽ കയറിയത്.

സെമിയിൽ ടോക്കിയോ ഒളിമ്പ്യൻ ലൂസി ഹിയാമിനെ 15-5 എന്ന സ്‌കോറിനാണ് തകർത്തത്. ഓസ്‌ട്രേലിയയുടെ വെറോണിക്ക വാസിലേവയ്‌ക്കെതിരെ ഫൈനലിൽ മികച്ച പ്രകടനം കാഴ്ച വെച്ചാണ് താരം രണ്ടാം സ്വർണ്ണം നേടിയത്.

BHAVANI DEVI IS COMMONWEALTH FENCING CHAMPION 🏆

🇮🇳's @IamBhavaniDevi wins GOLD 🥇 at Commonwealth #Fencing 🤺 Championship 2022 in Senior Women's Sabre Individual category

She won 15-10 against 🇦🇺's Vasileva in the Sabre final

Hearty congratulations, Bhavani 🙂#IndianSports pic.twitter.com/8UOs6OcvLm

— SAI Media (@Media_SAI) August 9, 2022

ടോക്കിയോ ഒളിമ്പിക്സിന് യോഗ്യത നേടിയ ഏക ഇന്ത്യൻ ഫെൻസറാണ് ഭവാനി ദേവി. 2020ൽ ഹംഗറിയിൽ നടന്ന ഫെൻസിംഗ് ലോകകപ്പിന്റെ ക്വാർട്ടർ ഫൈനലിൽ എത്തിയതോടെ ആയിരുന്നു ഇത്. ടോക്കിയോ ഒളിമ്പിക്സിൽ, ടുണീഷ്യയുടെ നാദിയ ബെൻ അസീസിക്കെതിരെയുള്ള മത്സരത്തിൽ ചരിത്ര വിജയം കരസ്ഥമാക്കാൻ കഴിഞ്ഞിരുന്നു. ആറ് മിനിറ്റിനിൽ 15-3 എന്ന സ്‌കോറിലാണ് തോൽപ്പിച്ചത്.