ഇസ്ലാമിനെ വിമർശിക്കുന്ന ആരു വേണമെങ്കിലും ആക്രമിക്കപ്പെടാം; ആശങ്കയുണ്ട്; സൽമാൻ റൂഷ്ദിയ്ക്ക് നേരെയുണ്ടായ ആക്രമണത്തെ അപലപിച്ച് തസ്ലീമ നസ്രിൻ- Salman Rushdie
ന്യൂയോർക്ക്: പ്രശസ്ത സാഹിത്യകാരൻ സൽമാൻ റൂഷ്ദിയ്ക്ക് നേരെയുണ്ടായ ആക്രമണത്തെ അപലപിച്ച് തസ്ലീമ നസ്രിൻ. സൽമാൻ റൂഷ്ദി ആക്രമിക്കപ്പെട്ടതിന് പിന്നാലെ ട്വിറ്ററിലൂടെയായിരുന്നു തസ്ലീമ നസ്രിന്റെ പ്രതികരണം. ഇസ്ലാമിനെ വിമർശിക്കുന്ന ആരും എപ്പോൾ വേണമെങ്കിലും ആക്രമിക്കപ്പെടാമെന്നും തസ്ലീമ നസ്രിൻ വ്യക്തമാക്കി.
സൽമാൻ റൂഷ്ദി ആക്രമിക്കപ്പെട്ടുവെന്ന വാർത്ത വലിയ ഞെട്ടൽ ഉളവാക്കി. ഇങ്ങനെ നടക്കുമെന്ന് ഒരിക്കലും വിചാരിച്ചില്ല. അദ്ദേഹം യൂറോപ്പിലാണ് താമസം. 1989 മുതൽ അദ്ദേഹം സംരക്ഷിക്കപ്പെട്ടുകൊണ്ടിരിക്കുകയാണ്. അദ്ദേഹം ആക്രമിക്കപ്പെട്ടൂ എങ്കിൽ, ഇസ്ലാമിനെ വിമർശിക്കുന്ന ആരു വേണമെങ്കിലും ആക്രമിക്കപ്പെടാം. എനിക്ക് ആശങ്കയുണ്ട്- തസ്ലീമ നസ്റിൻ ട്വിറ്ററിൽ കുറിച്ചു.
ഇന്നലെ രാത്രിയാണ് ന്യൂയോർക്കിലെ ചൗതക്വ ഇൻസ്റ്റിറ്റ്യൂട്ടിൽ സംഘടിപ്പിച്ച ചടങ്ങളിൽ പങ്കെടുത്ത സൽമാൻ റൂഷ്ദിയ്ക്ക് നേരെ ആക്രമണം ഉണ്ടായത്. പരിപാടിയിൽ സംസാരിക്കുന്നതിനിടെ വേദിയിലേക്ക് അതിക്രമിച്ചെത്തിയ അക്രമി അദ്ദേഹത്തെ കുത്തി വീഴ്ത്തുകയായിരുന്നു. കഴുത്തിൽകുത്തേറ്റ അദ്ദേഹത്തിന്റെ നില അതീവ ഗുരുതരമാണ്.
Comments