ന്യൂഡൽഹി : ഹർ ഘർ തിരംഗ പരിപാടിയുടെ ഭാഗമായി വീട്ടിൽ പതാകയുയർത്തി കേന്ദ്ര ആഭ്യന്തര മന്ത്രി അമിത് ഷാ. സ്വാതന്ത്ര്യത്തിന്റെ 75 -ാം വാർഷികം ആഘോഷിക്കുന്നതിന്റെ ഭാഗമായി ഓഗസ്റ്റ് 13 മുതൽ 15 വരെ വീട്ടിലും സ്ഥാപനങ്ങളിലും ദേശീയ പതാക ഉയർത്തണമെന്ന് പ്രധാനമന്ത്രി ആഹ്വാനം ചെയ്തിരുന്നു.
ഭാര്യയോടൊപ്പമാണ് അമിത് ഷാ ത്രിവർണ്ണ പതാക ഉയർത്തിയത്. വീടിന് മുകളിലാണ് അദ്ദേഹം പതാക സ്ഥാപിച്ചത്.
അസം മുഖ്യമന്ത്രി ഹിമന്ത ബിശ്വ ശർമ്മ റാലി നടത്തിയാണ് പരിപാടികൾക്ക് തുടക്കം കുറിച്ചത്. യുവ സുഹൃത്തുക്കൾക്കൊപ്പം പ്രഭാത ഫേരിയിൽ പങ്കെടുക്കുന്നുവെന്ന് വീഡിയോ പങ്കുവെച്ചുകൊണ്ട് അദ്ദേഹം പറഞ്ഞു. സ്‌കൂൾ കുട്ടികളോടൊപ്പമായിരുന്നു ഹിമന്ത ബിശ്വ ശർമ്മയുടെ ഹർ ഘർ തിരംഗ ആഘോഷം.
ഉത്തർപ്രദേശ് മുഖ്യമന്ത്രി യോഗി ആദിത്യനാഥും വിദ്യാർത്ഥികൾക്കൊപ്പം പരിപാടി ആഘോഷിച്ചു.
Comments