ഹരാരേ: സിംബാബ്വേയ്ക്കെതിരെ ടീം ഇന്ത്യയ്ക്ക് ടോസ് നേടിയ ഇന്ത്യ ബൗളിംഗ് തിരഞ്ഞെടുത്തു. സഞ്ജു സാംസൺ വിക്കറ്റ് കീപ്പറെന്ന നിലയിൽ ആദ്യ മത്സരത്തിൽ ഇടം നേടി. ഹാരാരേ സമയം രാവിലെ 9.30നാണ് മത്സരം ആരംഭിച്ചിരിക്കുന്നത്.
സിംബാബ്വേയ്ക്കായി ഇന്നസെന്റ് കായിയും താദിവാനാഷേ മാരുമാനിയുമാണ് ഓപ്പൺമാരായി ഇറങ്ങുന്നത്. ദീപക് ചാഹറാണ് ബൗളിംഗിന് തുടക്കമിട്ടിരിക്കുന്നത്. ടീം ഇന്ത്യയിൽ ഓപ്പണർമാരായി ശിഖർ ധവാനും ശുഭ്മാൻ ഗില്ലുമാണ് ഇറങ്ങുന്നത്.
ഇഷാൻ കിഷനും കെ.എൽ.രാഹുലുമാണ് മൂന്നും നാലും സ്ഥാനത്ത്. ദീപക് ഹൂഡ അഞ്ചാമനായും സഞ്ജു ആറാമനായും ഇറങ്ങും. അക്ഷർ പട്ടേൽ, കുൽദീപ് യാദവ്, പ്രസിദ്ധ് കൃഷ്ണ, മുഹമ്മദ് സിറാജ് എന്നിവരാണ് ഇന്ന് ടീമിലുള്ളത്.
