മദ്യ കുംഭകോണത്തിൽ ആം ആദ്മി പാർട്ടി നേതാവ് മനീഷ് സിസോദിയക്കെതിരെ കടന്നാക്രമിച്ച് കേന്ദ്ര മന്ത്രി അനുരാഗ് ഠാക്കൂർ. ഡൽഹിയിൽ സംഘടിപ്പിച്ച വാർത്താ സമ്മേളനത്തിൽ മാദ്ധ്യമ പ്രവർത്തകരോട് സംസാരിക്കവെയാണ് അദ്ദേഹം ആം ആദ്മി പാർട്ടി നേതാക്കൾക്കെതിരെ ആഞ്ഞടിച്ചത്.
മനീഷ് സിസോദിയ വെറുമൊരു ഇര മാത്രമാണെന്നും അഴിമതിയുടെ മുഖ്യ സൂത്രധാരനായ അരവിന്ദ് കെജ്രിവാൾ അണിയറയ്ക്ക് പിറകിൽ മറഞ്ഞിരിക്കുകയാണ്. ബിജെപി ഈ വിഷയം ഏറ്റെടുത്ത് മുന്നോട്ട് വന്നതിന് ശേഷം സിസോദിയ പേടിച്ചിരിക്കുകയാണെന്നും ഭയം മൂലം അദ്ദേഹത്തിന്റെ മുഖത്തെ നിറം കെട്ടുപോയെന്നും അനുരാഗ് ഠാക്കൂർ സൂചിപ്പിച്ചു
മദ്യ കുംഭകോണത്തിൽ കുറ്റക്കാരനല്ലെന്ന് തെളിയിക്കാൻ കഴിയുമെങ്കിൽ ആ ചർച്ചക്ക് താൻ ഒരുക്കമാണെന്ന് മന്ത്രി പറഞ്ഞു. 2024ൽ എൻ ഡി എ സഖ്യത്തിനെതിരെ കെജ്രിവാൾ നേതൃത്വം നൽകുന്ന മുന്നണിയാണ് മത്സരിക്കുന്നതെങ്കിൽ ബിജെപിക്ക് അത് കൂടുതൽ ഗുണം ചെയ്യുമെന്ന് അസം മുഖ്യമന്ത്രി ഹിമന്ത ബിശ്വ ശർമ്മയും വാർത്താ സമ്മേളനത്തിൽ പറഞ്ഞു.
Comments