ന്യൂഡൽഹി: വെല്ലുവിളി നിറഞ്ഞ സാഹചര്യങ്ങൾ മറികടന്ന് ജീവൻ രക്ഷിക്കുന്നതിൽ പ്രതിജ്ഞാബദ്ധരായി തീരദേശ സേന. 17 ബംഗ്ലാദേശ് മത്സ്യത്തൊഴിലാളികളെയാണ് ദാമൻ തീരത്ത് നിന്ന് സേന രക്ഷിച്ചത്്. 3 ഓപ്പറേഷനുകളിലായി 27 ബംഗ്ലാദേശ് മത്സ്യത്തൊഴിലാളികളെയാണ് ഐസിജി ഇതു വരെ രക്ഷപ്പെടുത്തിയത്. കഠിനമായ പ്രതികൂല കാലാവസ്ഥയിൽ കടലിൽ കാണാതായ മത്സ്യത്തൊഴിലാളികൾക്കായി തിരച്ചിൽ പുരോഗമിക്കുകയാണ്.
കേന്ദ്രഭരണ പ്രദേശമായ ദാമൻ ദിയുവിലെ ദാമൻ തീരത്ത് തകർന്ന ബോട്ടിൽ നിന്ന് 14 മത്സ്യത്തൊഴിലാളികളെ ഐസിജി നേരത്തെ രക്ഷപ്പെടുത്തിയിരുന്നു.രൂക്ഷമായ കാലാവസ്ഥയെ പ്രതിരോധിക്കുന്നതിനിടയിൽ എഞ്ചിന് തകരാർ സംഭവിച്ചാണ് തുളസി ദേവി എന്ന ബോട്ട് കടലിൽ അകപ്പെട്ടത്. ഓഗസ്റ്റ് 16-ന് മോംഗ്ലയിൽ നിന്ന് പുറപ്പെട്ട ബോട്ടാണ് കടലിൽ കുടുങ്ങിയത്. 19-ന് ചുഴലിക്കാറ്റിനെ തുടർന്നാണ് മറിഞ്ഞതെന്ന് രക്ഷപ്പെട്ട തൊഴിലാളികൾ വ്യക്തമാക്കി.
In continuation of its efforts to assist at sea, @IndiaCoastGuard saved 17 more #Bangladeshi fishermen after rescuing 10 fishermen earlier. A total of 27 #Bangladeshi fishermen were rescued in 03 separate operations in #BayOfBengal. Search for missing fishermen is in progress. pic.twitter.com/TrwtWyVcRo
— Indian Coast Guard (@IndiaCoastGuard) August 21, 2022
തീരദേശ സേനയുടെ പ്രവർത്തനങ്ങൾക്ക് കരുത്തേകാൻ ലൈറ്റ് ഹെലികോപ്ടറായ എംകെ 3 യുടെ സഹായവുമുണ്ട്. ഹെലികോപ്ടറുകളിൽ അത്യാധുനിക ഉപകരണങ്ങൾ, അത്യാധുനിക റഡാർ, ഇലക്ട്രോ ഒപ്റ്റിക്കൽ സെൻസറുകൾ, ശക്തി എഞ്ചിനുകൾ, ഫുൾ-ഗ്ലാസ് കോക്ക്പിറ്റ്, ഉയർന്ന തീവ്രതയുള്ള സെർച്ച് ലൈറ്റ്, എന്നിവ ഉൾപ്പെടുന്നു. വിപുലമായ ആശയവിനിമയ സംവിധാനങ്ങൾ, ഓട്ടോമാറ്റിക് ഐഡന്റിഫിക്കേഷൻ സിസ്റ്റവും ഇവ ഉറപ്പു നൽകുന്നു. ഇത്തരത്തിൽ 14 ഹെലിക്കോപ്റ്ററുകളാണ് ഹിന്ദുസ്ഥാൻ എയറോനോട്ടിക്സ് ലിമിറ്റഡ് സേനയ്ക്ക് നൽകിയത്.
