ബോളിവുഡ് ചിത്രങ്ങൾ തുടർച്ചയായി പരാജയപ്പെടുന്നതിൽ പ്രതികരണവുമായി നടി സ്വരഭാസ്കർ. സുശാന്ത് സിംഗന്റെ മരണവും ബഹിഷ്കരണവുമെല്ലാം ബോളുവുഡിന്റെ ഇന്നത്തെ അവസ്ഥയ്ക്ക് കാരണമായി എന്നു പറഞ്ഞ നടി, ബോളിവുഡിനെ രാഹുൽ ഗാന്ധയുമായി താരതമ്യവും ചെയ്തു. ബോളുവുഡിന്റെയും രാഹുൽഗാന്ധിയുടെയും അവസ്ഥ ഒരുപോലെയാണെന്നും ബോളിവുഡിന് പപ്പുഫിക്കേഷൻ സംഭവിച്ചുവെന്നുമാണ് സ്വരഭാസ്കർ പറഞ്ഞത്.
എല്ലാവരും അദ്ദേഹത്തെ പപ്പു എന്ന് വിളിക്കുന്നു. അതിനാൽ എല്ലാവരും അങ്ങനെ തന്നെ വിശ്വസിക്കുന്നു. എന്നാൽ താൻ അദ്ദേഹത്തെ പരിചയപ്പെട്ടിട്ടുണ്ട്. ബുദ്ധിമാനും വാചാലനുമായ വ്യക്തിയാണ് അദ്ദേഹം. ബോളിവുഡിനും ഈ ‘പപ്പുഫിക്കേഷൻ’ സംഭവിച്ചു- എന്നാണ് സ്വരഭാസ്കർ പ്രതികരിച്ചത്.
സുശാന്ത് സിംഗിന്റെ മരണം ബോളിവുഡിന് പ്രേക്ഷകർക്കിടയിൽ ചീത്തപ്പേര് ഉണ്ടാക്കി. എന്നാൽ പ്രേക്ഷകർ തിയേറ്ററിൽ എത്താത്തത് ബോളിവുഡിന്റെ കുറവായി കണക്കാക്കാനാകില്ല. സുശാന്തിന്റെ മരണത്തോടെ ബോളിവുഡ് എന്ന പറഞ്ഞാൽ മയക്കുമരുന്നിന്റെയും മദ്യത്തിന്റെയും ലൈംഗികതയുടെയും ഇടമായി വ്യാഖ്യാനിക്കപ്പെട്ടുവെന്നും സ്വരഭാസ്കർ പറഞ്ഞു.
Comments