മുംബൈ: രാഹുൽ ദ്രാവിഡിന് കൊറോണ ബാധിച്ചതിനെ തുടർന്ന് വി.വി.എസ് ലക്ഷ്മൺ ഏഷ്യാ കപ്പിനുളള ഇന്ത്യൻ ടീമിന്റെ ഇടക്കാല പരിശീലകനാകും. കഴിഞ്ഞ ദിവസമാണ് രാഹുലിന് കൊറോണ സ്ഥിരീകരിച്ചത്.
ടീം യുഎഇയിലേക്ക് യാത്ര തിരിക്കുന്നതിന് മുൻപാണ് രാഹുലിന് കൊറോണ സ്ഥിരീകരിച്ചത്. പരിശോധനാഫലം നെഗറ്റീവായി ബിസിസിഐ മെഡിക്കൽ ടീമിന്റെ അനുമതി ലഭിച്ച ശേഷം രാഹുലും ടീമിനൊപ്പം ചേരുമെന്നും ബിസിസിഐ അറിയിച്ചു.
നാഷണൽ ക്രിക്കറ്റ് അക്കാദമിയുടെ തലവനായ വിവിഎസ് ലക്ഷ്മൺ നേരത്തെയും ഇന്ത്യൻ ടീമിന്റെ ഇടക്കാല പരിശീലകനായിട്ടുണ്ട്. ടീമിന്റെ സിംബാബ് വെ അയർലൻഡ് പര്യടനത്തിൽ ലക്ഷ്മൺ ആയിരുന്നു മുഖ്യ പരിശീലകൻ.
27 നാണ് ഏഷ്യാ കപ്പ് ടൂർണമെന്റിന് തുടക്കമാകുക. ഞായറാഴ്ച പാകിസ്താനെതിരെയാണ് ഏഷ്യാ കപ്പിൽ ഇന്ത്യയുടെ ആദ്യ മത്സരം.
Comments