രാം ചരണും ജൂനിയർ എൻടിആറും തകർത്തഭിനയിച്ച ആർ ആർ ആർ നെറ്റ്ഫ്ലിക്സിൽ റെക്കോർഡ് സ്ഥാപിക്കാനൊരുങ്ങുന്നു. ഹോളിവുഡിൽ തുടർച്ചയായ 14-മത്തെ ആഴ്ച്ചയിലും ചിത്രം ട്രെൻഡ് നില നിർത്തുകയാണ്. പ്രശസ്ത ദക്ഷിണേന്ത്യൻ സംവിധായകൻ എസ് എസ് രാജമൗലിയുടെ ബ്ലോക്ക്ബസ്റ്റർ ചിത്രമായ ആർ ആർ ആർ ആഗോളതലത്തിൽ ചരിത്രം സൃഷ്ടിച്ചുകൊണ്ടിരിക്കുകയാണ്. സിനിമ റിലീസായിട്ട് അഞ്ചു മാസം കഴിഞ്ഞെങ്കിലും ചിത്രം റേറ്റിങിൽ വൻ കുതിച്ചു കയറ്റമാണ് നടത്തുന്നത്.
ഹോളിവുഡ് പ്രേക്ഷകർക്കായി പ്രൊഡക്ഷൻ ഹൗസ് വീണ്ടും ചിത്രം തിയേറ്ററുകളിൽ ചിത്രം റിലീസ് ചെയ്തതായി അറിയിച്ചു. കൂടാതെ നെറ്റ്ഫ്ലിക്സ്, G5 , DINSEY പ്ലസ് HOTSTAR എന്നിവയിലും ലഭ്യമാണെന്ന് അധികൃതർ വ്യക്തമാക്കി. ഇന്ത്യൻ വിപണിയിൽ കോടികൾ കൊയ്ത സിനിമയ്ക്ക് വൻ വരവേൽപ്പാണ് ലഭിച്ചിരുന്നത്. ചിത്രത്തിന്റെ വിജയത്തിന് നന്ദി അറിയിച്ചുകൊണ്ട് നിർമ്മാതാക്കളും അണിയറ പ്രവർത്തകരും രംഗത്ത് വന്നിരുന്നു. ഇന്ത്യൻ സിനിമയെ ആഗോളതലത്തിൽ എത്തിക്കാൻ സാധിച്ചതിന്റെ സന്തോഷം അവർ പങ്കു വെച്ചിരുന്നു. പ്രദർശനം തുടങ്ങി 5 മാസം കഴിഞ്ഞിട്ടും ആഗോളതലത്തിൽ നിർത്താതെ പ്രദർശനം തുടരുന്ന ഇന്ത്യൻ സിനിമ ഇതിനോടകം റൊക്കോഡ് കരസ്ഥമാക്കുകയാണ്.
Comments