ന്യൂഡൽഹി: ഇന്ത്യയുമായി പ്രതിരോധ മേഖലയിൽ ശക്തമായ സഹകരണം നടത്താനൊരുങ്ങി ടാൻസാനിയ. ഇന്ത്യൻ പ്രതിരോധ മന്ത്രി രാജ്‌നാഥ് സിംഗുമായി ടാൻസാനിയൻ പ്രതിരോധ മന്ത്രി സ്റ്റെർഗോമിന ടാക്സ് നടത്തുന്ന കൂടിക്കാഴ്ചയിൽ നിരവധി സുപ്രധാന വിഷയങ്ങൾ ചർച്ച ചെയ്യും. ഇന്ത്യയുമായി മികച്ച ബന്ധം പുലർത്താൻ ആഗ്രഹിക്കുന്ന ടാൻസാനിയ കൂടിക്കാഴ്ചയെ ആവേശത്തോടെയാണ് കാണുന്നതെന്ന് റിപ്പോർട്ട് പുറത്തു വന്നിരുന്നു.
കൂടിക്കാഴ്ചയിൽ പ്രതിരോധ മേഖലയിലുൾപ്പെടെ വ്യാപാരം , സാംസ്കാരികം, സാമ്പത്തികം, നിക്ഷേപം , രാഷ്‌ട്രീയം തുടങ്ങി നിരവധി വിഷയങ്ങളിൽ ചർച്ച നടത്തും. മുൻപും ഇരു രാജ്യങ്ങൾ തമ്മിൽ ഡൽഹിയിൽ കൂടിക്കാഴ്ച നടത്തിയിരുന്നു. ഉയർന്ന തലത്തിൽ നടക്കുന്ന ചർച്ച രാജ്യത്തിന്റെ വിവിധ മേഖലഖകളെ കാര്യമായി സ്വാധീനിക്കുമെന്ന് ടാൻസാനിയൻ പ്രതിനിധി പറഞ്ഞു.
ഇന്ത്യയിലെത്തുന്ന സ്റ്റെർഗോമിന ടാക്സ് ഹൈദരാബാദ് ഉൾപ്പെടെ നിരവധി സ്ഥലങ്ങൾ സന്ദർശിക്കുകയും വ്യാവസായിക രംഗത്തെ പ്രവർത്തനങ്ങളെ കുറിച്ച് ആശയവിനിമയം നടത്തുമെന്നും അറിയിച്ചു.
