കാബൂൾ: അഫ്ഗാനിൽ വ്യവസായപാർക്ക് നിർമ്മാണം ആരംഭിച്ച് ചൈന.ഹിന്ദുകുഷ് പർവ്വത നിരയുടെ താഴ്വാരത്തിലാണ് ആദ്യ പാർക്ക് വരുന്നത്. താലിബാൻ ഭരണകൂടം വ്യവസ്ഥകൾ അംഗീകരിച്ചതോടെയാണ് വ്യവസായ പാർക്കും ചൈനാ ടൗണും നിർമ്മിക്കാനുള്ള പ്രാരംഭ നടപടി ചൈന ആരംഭിച്ചത്.
അഫ്ഗാനിലെ ജനതയെ വ്യവസായ മേഖലയിലേക്ക് ആകർഷിക്കാനും യുവാക്കളെ വ്യവസായ മേഖലയിൽ പങ്കാളിത്തം നൽകി മികച്ച തൊഴിലാളികളാക്കി മാറ്റുകയാണ് ലക്ഷ്യമെന്നാണ് ചൈന പറയുന്നത്. ചൈനീസ് പാർക്ക് നിർമ്മാണത്തിൽ എല്ലാ തൊഴിലാളികൾക്കും ചൈന യുടെ കറൻസിയായ യുവാനിലാണ് ശംമ്പളം നൽകുന്നത്. 130 ഹെക്ടറിലെ വ്യവസായ പാർക്കിന്റെ നിർമ്മാണം ആരംഭിച്ചതായും ചൈന അറിയിച്ചു.
അന്താരാഷ്ട്ര തലത്തിൽ രണ്ടു വർഷമായി ഒറ്റപ്പെട്ട താലിബാന് തുടക്കംമുതലേ പിന്തുണ പ്രഖ്യാപിക്കുന്ന സമീപമാണ് ചൈന സ്വീകരിച്ചത്. അമേരിക്ക ഉപേക്ഷിച്ച് പോയ സൈനിക താവളത്തിലും കണ്ണുള്ള ചൈനയ്ക്ക് പക്ഷെ താലിബാൻ പൂർണ്ണ സമ്മതം ഇനിയും നൽകി യിട്ടില്ല. ഇന്ത്യ സുരക്ഷാ കാര്യത്തിൽ ശക്തമായ മുന്നറിയിപ്പ് നൽകിയിരിക്കു ന്നതിനാൽ ചില വ്യവസ്ഥകളോടെയാണ് താലിബാൻ ചൈനയ്ക്ക് അനുമതി നൽകിയത്.
