ബൗണ്ടറികളിൽ മുന്നൂറാനായി കൊഹ് ലി; കരിയറിലെ നൂറാം ട്വന്റി-20 യിൽ കൊഹ് ലി കുറിച്ചത് ചരിത്രം

ദുബായ്: ഏഷ്യാ കപ്പിൽ പാകിസ്താനെതിരായ മത്സരത്തിൽ വിരാട് കൊഹ് ലി കുറിച്ചത് ചരിത്രം. തന്റെ കരിയറിലെ നൂറാമത്തെ ട്വന്റി -20 മത്സരത്തിനിറങ്ങിയ കൊഹ് ലി ബൗണ്ടറികളുടെ എണ്ണത്തിലും ചരിത്രം കുറിച്ചു. ട്വന്റി -20 യിൽ 300 ബൗണ്ടറികൾ എന്ന നേട്ടമാണ് കൊഹ്് ലി മറികടന്നത്.

മത്സരത്തിൽ പാകിസ്താന്റെ ഷാനവാസ് ദഹാനിയെ അതിർത്തി കടത്തിയാണ് കൊഹ് ലി ഈ നേട്ടം സ്വന്തമാക്കിയത്. 34 പന്തുകളിൽ നിന്ന് 35 റൺസാണ് കൊഹ് ലി നേടിയത്. ഇതിൽ മൂന്ന് ബൗണ്ടറികളും ഒരു സിക്‌സറും ഉൾപ്പെടും. ഇതിനിടയിലാണ് 300 ബൗണ്ടറികൾ എന്ന നേട്ടം കൊഹ് ലി മറികടന്നത്. ഈ പട്ടികയിൽ മൂന്നാമനാണ് കൊഹ് ലി. രോഹിത് ശർമ്മയാണ് പട്ടികയിൽ കൊഹ് ലിക്ക് മുൻപേ ഇടംപിടിച്ച ഇന്ത്യൻ താരം

313 ബൗണ്ടറികാളാണ് രോഹിത് ശർമ്മയുടെ പേരിൽ ഉളളത്. അയർലൻഡ് താരം പോൾ സ്റ്റിർലിങ് ആണ് പട്ടികയിൽ ഒന്നാമത്. 344 ബൗണ്ടറികളാണ് സ്റ്റിർലിങിന്റെ പേരിൽ ഉളളത്.