തൃശൂർ: സേവാഭാരതി തൃശൂർ ജില്ലാ കാര്യാലയം ഉദ്ഘാടനം ചെയ്തു. അയ്യന്തോൾ ലോ കോളേജിനു സമീപം നിർമ്മിച്ച കാര്യാലയത്തിന്റെ ഉദ്ഘാടന കർമ്മം പ്രശസ്ത പിന്നണി ഗായകൻ അനൂപ് ശങ്കർ നിലവിളക്കു കൊളുത്തി നിർവ്വഹിച്ചു.
സമൂഹത്തിൽ സേവന സംസ്കാരം പകരുക എന്ന മഹത്തായ ദൗത്യമാണ് സേവാഭാരതി ചെയ്യുന്നതെന്ന് ഉദ്ഘാടന ചടങ്ങിൽ മുഖ്യ പ്രഭാഷണം നടത്തിയ രാഷ്ട്രീയ സ്വയസേവക സംഘം വിഭാഗ് സഹസംഘചാലക് കെ ജി അച്യുതൻ മാസ്റ്റർ അഭിപ്രായപ്പെട്ടു.
തൃശൂർ ജില്ലാ പ്രസിഡന്റ് മേജർ ജനറൽ ഡോ പി വിവേകാനന്ദൻ അധ്യക്ഷത വഹിച്ച ചടങ്ങിൽ പ്രാന്ത സേവാപ്രമുഖ് എം സി വൽസൻ, ഡിവിഷൻ കൗൺസിലർ എൻ പ്രസാദ്, വിഭാഗ് സേവാപ്രമുഖ് ലൗലേഷ് കെ വി എന്നിവർ സംസാരിച്ചു. സേവാഭാരതി ജില്ലാ ജനറൽ സെക്രട്ടറി പി ഹരിദാസ് സ്വാഗതം പറഞ്ഞു. ജില്ലാ സമിതി അംഗം എം എസ് മോഹനപ്രസാദ് കൃതജ്ഞത രേഖപ്പെടുത്തി.
