മുംബൈ: വിനായക ചതുർത്ഥിയിൽ സ്വവസതിയിൽ ഗണേശ പൂജ നടത്തിയ ഷാറൂഖ് ഖാനും കുടംുബത്തിനും നേരെ സൈബറാക്രമണവുമായി ഇസ്ലാമിസ്റ്റുകൾ. അല്ലാഹുവിനെ വിഷമിപ്പിക്കുകയും തെറ്റ് ചെയ്തവനുമായ നടനെ ബഹിഷ്കരിക്കാൻ ആഹ്വാനം ചെയ്താണ് നടൻ പൂജ ചെയ്യുന്ന ചിത്രങ്ങൾ പ്രചരിപ്പിക്കുന്നത്.
വിനായക പൂജ ചെയ്ത നിങ്ങൾ മുസ്ലീം അല്ലെന്നും യഥാർത്ഥ മുസ്ലീങ്ങൾ ഗുരുതരമായ ഈ തെറ്റിന് മാപ്പ് തരില്ലെന്നും ചിലർ ഭീഷണിപ്പെടുത്തുന്നുണ്ട്. അല്ലാഹുവിനെ പ്രകീർത്തിച്ചും ഹിന്ദു ദൈവങ്ങളെ അധിക്ഷേപിച്ചുമാണ് ഇസ്ലാമിസ്റ്റുകൾ രോഷം തീർക്കുന്നത്.
ഇത് ആദ്യമായല്ല ഗണേശ പൂജയുടെ പേരിൽ ഷാരൂഖ് ഖാനും കുടുംബവും സൈബറാക്രമണം നേരിടുന്നത്. കഴിഞ്ഞ വർഷവും വീട്ടിൽ ഗണേശ വിഗ്രഹം കൊണ്ടു വന്നതിനും പൂജ നടത്തിയതിനുമെതിരെ ഇസ്ലാമിസ്റ്റുകൾ രൂക്ഷമായ ഭാഷയിൽ രംഗത്തെത്തിയിരുന്നു.
ആരാധകർക്ക് വിനായക ചതുർത്ഥി ആശംസകൾ നേർന്നാണ് അദ്ദേഹം പൂജയിൽ പങ്കെടുത്തിന്റെ ചിത്രങ്ങൾ സമൂഹാമാദ്ധ്യമങ്ങളിലൂടെ പങ്കുവെച്ചത്. താനും മകനും ഗണേശജിയെ വീട്ടിലേക്ക് വരവേറ്റുവെന്ന് ഷാരൂഖ് ഖാൻ സോഷ്യൽ മീഡിയയിൽ കുറിച്ചു. പൂമാലകൾ കൊണ്ട് അലങ്കരിച്ച ഗണേശ വിഗ്രഹത്തിന്റെ ചിത്രവും അദ്ദേഹം പങ്കുവച്ചിട്ടുണ്ട്. മോദകം രുചികരമായിരുന്നെന്നും താരം ഇൻസ്റ്റഗ്രാമിൽ കുറിച്ചു.
Comments