മിസ്സിസിപ്പി: സെപ്റ്റംബർ 11 ഭീകരാക്രമണത്തിന്റെ ദുരന്ത സ്മരണകൾ ഉണർത്തി അമേരിക്കയിൽ വീണ്ടും വിമാനം ഇടിച്ചിറക്കൽ ഭീഷണി. മിസ്സിസിപ്പിയിലെ വാൾമാർട്ട് സ്റ്റോറിൽ വിമാനം ഇടിച്ചിറക്കുമെന്ന ഭീഷണിയുമായി യുവാവ് രംഗത്ത് വന്നതോടെ അമേരിക്ക വീണ്ടും ഭീതിയുടെ മുൾമുനയിൽ. പ്രദേശത്തെ കെട്ടിടങ്ങൾ യുദ്ധകാലാടിസ്ഥാനത്തിൽ ഒഴിപ്പിക്കാൻ മിസ്സിസിപ്പി ഭരണകൂടം പോലീസിന് നിർദ്ദേശം നൽകിയതായാണ് വിവരം.
പ്രദേശത്തെ എല്ലാ അടിയന്തിര സംവിധാനങ്ങൾക്കും സർക്കാർ ജാഗ്രതാ നിർദ്ദേശം നൽകി. ഇനിയൊരു അറിയിപ്പ് ഉണ്ടാകുന്നത് വരെ ആക്രമണ ഭീഷണി നിലനിൽക്കുന്ന പ്രദേശത്ത് പോകരുത് എന്ന് പൗരന്മാർക്ക് അധികൃതർ മുന്നറിയിപ്പ് നൽകി. യുവാവുമായി പോലീസ് ആശയവിനിമയം നടത്താൻ ശ്രമം ആരംഭിച്ചതായി അന്താരാഷ്‌ട്ര മാദ്ധ്യമങ്ങൾ റിപ്പോർട്ട് ചെയ്യുന്നു.
29 വയസ്സുകാരനായ യുവാവാണ് ട്യൂപ്ളോ വിമാനത്താവളത്തിൽ നിന്നും തട്ടിയെടുത്ത വിമാനം ഉപയോഗിച്ച് ഭീകരാന്തരീക്ഷം സൃഷ്ടിക്കുന്നത്. ഒരു മണിക്കൂറിലധികമായി ഇയാൾ വിമാനവുമായി ആകാശത്ത് വട്ടമിട്ട് പറക്കുകയാണ്. ബീച്ച്ക്രാഫ്റ്റ് കിംഗ് എയർ-90 വിമാനമാണ് അമേരിക്കക്ക് മേൽ ഭീതി വിതച്ച് വട്ടം ചുറ്റുന്നത്.
Currently we have a 29yr old who stole this plane & is threatening to crash it into something. Polices ,ambulances ,& fire trucks are everywhere. Everything is shutdown rn pic.twitter.com/AzebdIa3tP
— KING GANK (@CityKing_Gank_) September 3, 2022
