പരമ്പരാഗത കാലം തൊട്ടേ നമ്മുടെ ഭക്ഷണത്തിലെ പ്രധാനിയാണ് മഞ്ഞൾ. ഭക്ഷണത്തിന് രുചി പകരുന്നു എന്നത് മാത്രമല്ല വിഷാംശങ്ങളെ അകറ്റുക കൂടി ചെയ്യുന്ന ധർമ്മമാണ് മഞ്ഞളിനുള്ളത്. ഇതിന് പുറമേ മികച്ച ആയുർവ്വേദ ഒറ്റമൂലിയാണ് മഞ്ഞൾ. മുറിവവേൽക്കുമ്പോഴും, പ്രാണികളിൽ നിന്നും വിഷം തീണ്ടുമ്പോഴുമെല്ലാം മഞ്ഞൾ ഉപയോഗിച്ചാണ് അതിനെ പ്രതിരോധിക്കാറുള്ളത്. മികച്ച സൗന്ദര്യ വർദ്ധക വസ്തുവാണ് മഞ്ഞൾ എന്നകാര്യവും എടുത്തു പറയേണ്ടതാണ്. ദിവസേന ഭക്ഷണത്തിൽ മഞ്ഞൾ ഉൾപ്പെടുത്തിയാൽ ഒരുപാടുണ്ട് ഗുണങ്ങൾ എന്നാണ് പറയപ്പെടുന്നത്.
ദഹനം എളുപ്പമാക്കാൻ
മാറിയ ജീവത രീതിയും, ഭക്ഷണ രീതിയുമെല്ലാം നമ്മുടെ ദഹന വ്യവസ്ഥയെ സാരമായി ബാധിച്ചിട്ടുണ്ട്. ഇത് മൂലം ദഹനക്കുറവ്, വായുകോപം എന്നിവ ഉണ്ടാകുന്നു. ഇത് പരിഹരിക്കാൻ മഞ്ഞളിന് കഴിയും. ഭക്ഷണത്തിലെ കൊഴപ്പുകൾ പുറന്തള്ളാൻ മഞ്ഞളിന് കഴിയും. കരളിൽ പിത്തരസത്തിന്റെ ഉത്പാദനം ത്വരിതപ്പെടുത്താൻ മഞ്ഞളിന് സാധിക്കും. ഇതാണ് ദഹനം എളുപ്പമാക്കുന്നത്.
സ്ത്രീകളുടെ ആരോഗ്യത്തിന്
സ്ത്രീകളുടെ ആരോഗ്യത്തിന് അത്യുത്തമം ആണ് മഞ്ഞൾ. സ്ത്രീകളിലെ സമ്മർദ്ദം കുറയ്ക്കാനും, ഹോർമോണിന്റെ അസന്തുലാതവസ്ഥ ഇല്ലാതാക്കാനും മഞ്ഞളിന് കഴിയും. ആർത്തവകാലത്ത് സ്ത്രീകൾക്കുണ്ടാകുന്ന പ്രശ്നങ്ങളും മഞ്ഞൾ പരിഹരിക്കും. മഞ്ഞളിൽ അടങ്ങിയിരിക്കുന്ന ആന്റിസ്പാസ്മോഡിക്, ആന്റി ഇൻഫ്ളമേറ്ററി ഗുണങ്ങൾ എന്നിവ ആർത്തവ വേദനയിൽ നിന്നും സ്ത്രീകളെ രക്ഷിക്കുന്നു. പുറത്തു പുരട്ടുന്നതുപോലെ മഞ്ഞൾ അകത്ത് കഴിക്കുന്നതും ചർമ്മ പ്രശ്നങ്ങൾ പരിഹരിക്കാൻ ഉത്തമമാണ്.
സന്ധി വേദനയ്ക്കും പരിഹാരം
സന്ധിവേദനയ്ക്കുള്ള മികച്ച മരുന്നാണ് മഞ്ഞൾ. സന്ധിവേദനയും അത് മൂലമുണ്ടാകുന്ന പ്രശ്നങ്ങളും ഇല്ലാത്താക്കാൻ മഞ്ഞളിന്റെ ഉപയോഗത്തിലൂടെ കഴിയും. മഞ്ഞളിന്റെ ആന്റി ഇൻഫ്ളമേറ്ററി ഗുണങ്ങളാണ് ഇതിന് കാരണമാകുന്നത്. ശ്വാസകോശ സംബന്ധമായ അസുഖങ്ങൾ ഇല്ലാതാക്കാൻ ഏറ്റവും മികച്ച പോം വഴിയാണ് ദിവസേന ഭക്ഷണത്തിൽ മഞ്ഞൾ ഉൾപ്പെടുത്തുക എന്നത്. ആസ്ത്മ ബ്രോങ്കൈറ്റിസ്, അലർജി എന്നിവ ഇല്ലാതാക്കാൻ ഇത് സഹായിക്കും. വയറിളക്കത്തിന് ഉടനടി പരിഹാരം കാണാനും മഞ്ഞളിന് കഴിയും.
Comments