ദുബായ്: ഏഷ്യാ കപ്പിലെ അപ്രധാനമായ മത്സരത്തിൽ ടോസ് നേടിയ അഫ്ഗാനിസ്ഥാൻ ഇന്ത്യയെ ബാറ്റിംഗിനയച്ചു. സൂപ്പർ ഫോറിലെ ആദ്യ രണ്ട് മത്സരങ്ങളും തോറ്റ ഇരു ടീമുകൾക്കും വിജയിച്ചാലും ഫൈനൽ പ്രവേശനം സാദ്ധ്യമാകില്ല. അതിനാൽ ജയത്തോടെ മടങ്ങാനാകും ഇരു കൂട്ടരുടെയും ശ്രമം.
മൂന്ന് മാറ്റങ്ങളുമായാണ് ഇന്നത്തെ മത്സരത്തിന് ഇന്ത്യ ഇറങ്ങിയിരിക്കുന്നത്. ക്യാപ്ടൻ രോഹിത് ശർമ്മയ്ക്ക് വിശ്രമം നൽകിയിട്ടുണ്ട്. പകരം കെ എൽ രാഹുലാണ് ഇന്ത്യയെ നയിക്കുന്നത്. യുസ്വേന്ദ്ര ചാഹലും ഹർദ്ദിക് പാണ്ഡ്യയും ഇന്ന് കളിക്കുന്നില്ല. ദീപക് ചഹാർ, ദിനേശ് കാർത്തിക്, അക്ഷർ പട്ടേൽ എന്നിവർക്ക് ഇന്ന് കളിക്കാൻ അവസരം ലഭിച്ചിട്ടുണ്ട്.
ടീമുകൾ
ഇന്ത്യ: കെ എൽ രാഹുൽ, വിരാട് കോഹ്ലി, സൂര്യകുമാർ യാദവ്, ഋഷഭ് പന്ത്, ദീപക് ഹൂഡ, ദിനേശ് കാർത്തിക്, അക്ഷർ പട്ടേൽ, ആർ അശ്വിൻ, ദീപക് ചഹാർ, ഭുവനേശ്വർ കുമാർ, അർഷ്ദീപ് സിംഗ്
അഫ്ഗാനിസ്ഥാൻ: ഹസ്രത്തുള്ള സസായ്, റഹ്മാനുള്ള ഗുർബാസ്, ഇബ്രാഹിം സാദ്രാൻ, നജീബുള്ള സാദ്രാൻ, മുഹമ്മദ് നബി, കരീം ജനാത്, റാഷിദ് ഖാൻ, അഹ്മദുള്ള ഒമർസായ്, മുജീബ് ഉർ റഹ്മാൻ, ഫരീദ് അഹമ്മദ്, ഫസലുള്ള ഫറൂഖി
ടോസ് നഷ്ടമായി ബാറ്റിംഗ് ആരംഭിച്ച ഇന്ത്യ 3 ഓവറിൽ വിക്കറ്റ് നഷ്ടമാകാതെ 21 റൺസ് എടുത്തിട്ടുണ്ട്. രാഹുലും കോഹ്ലിയുമാണ് ഇന്നിംഗ്സ് ഓപ്പൺ ചെയ്തിരിക്കുന്നത്.
