രജ്പഥ് കർത്തവ്യപഥ് എന്നാക്കിയ സ്ഥിതിയ്‌ക്ക് രാജ്ഭവനുകൾ കർത്തവ്യഭവനുകൾ ആക്കണം; രജ്പഥിന്റെ പേര് മാറ്റിയതിൽ വിമർശിച്ച് ശശി തരൂർ

ന്യൂഡൽഹി: രജ്പഥിന്റെ പേര് കർത്തവ്യപഥ് എന്ന് പുനർനാമകരണം ചെയ്തതിൽ കേന്ദ്രസർക്കാരിനെ വിമർശിച്ച് കോൺഗ്രസ് എംപി ശശി തരൂർ. രജ്പഥിന്റെ പേര് മാറ്റിയെങ്കിൽ രാജ്യത്തെ മുഴുവൻ രാജ്ഭവനുകളുടെയും, രാജസ്ഥാന്റെയും പേര് മാറ്റണമെന്ന് ശശി തരൂർ പറഞ്ഞു. ട്വിറ്ററിലൂടെയായിരുന്നു ശശി തരൂരിന്റെ പ്രതികരണം.

രജ്പഥ് കർത്തവ്യപഥ് എന്നാക്കിയ സ്ഥിതിയ്‌ക്ക് രാജ്ഭവനുകൾ കർത്തവ്യഭവനുകൾ എന്നാക്കണം എന്നാണ് ശശിതരൂരിന്റെ നിർദ്ദേശം. രാജസ്ഥാൻ കർത്തവ്യസ്ഥാൻ എന്നാക്കി മാറ്റണം എന്നും ശശി തരൂർ പറയുന്നുണ്ട്.

രജ്പഥ് കർത്തവ്യപഥ് എന്ന് ആക്കിയെങ്കിൽ എല്ലാ രാജ്ഭവനുകളും കർത്തവ്യഭവനുകൾ എന്നാക്കി മാറ്റേണ്ടെ?. എന്താണ് അവിടെ വച്ച് നിർത്തിക്കളഞ്ഞത്?. രാജസ്ഥാനെ എന്ത് കൊണ്ട് കർത്തവ്യസ്ഥാൻ എന്ന് ആക്കിക്കൂട?. ശശി തരൂർ ട്വീറ്റ് ചെയ്തു.

ബുധനാഴ്ചയാണ് പ്രധാനമന്ത്രി നരേന്ദ്ര മോദി രജ്പഥിന്റെ പേര് കർത്തവ്യപഥ് എന്നാക്കി ഔദ്യോഗിക പ്രഖ്യാപനം നടത്തിയത്. ഇതിന് പിന്നാലെ തന്നെ കോൺഗ്രസ് രൂക്ഷ വിമർശനം ഉയർത്തിയിരുന്നു.