തൃശൂർ: തൃശ്ശൂരിൽ നടന്ന പുലികളി മത്സരത്തിൽ കാനാട്ടുകര സംഘം ഒന്നാം സ്ഥാനം നേടി. വിയ്യൂർ അയ്യന്തോൾ എന്ന ടീമുകളാണ് രണ്ടും മൂന്നും സ്ഥാനങ്ങൾ നേടിയത്. അമ്പതിനായിരം നാലപ്പതിനായി രം, 35000 എന്നിങ്ങനെയാണ് സമ്മാനത്തുക.
പുലി വേഷത്തിനും പുലിക്കോട്ടിനും വിയൂർ സെന്റർ ഒന്നാം സ്ഥാനം നേടി. ചമയപ്രദർശനത്തിനും ഒന്നാം സ്ഥാനം വിയ്യൂരിനാണ്. ടാബ്ലോക്കും പുലികൾ വന്ന വണ്ടിയുടെ അലങ്കാരത്തിനും അയ്യന്തോൾ സംഘം ഒന്നാം സ്ഥാനം നേടി. പുലികളി സംഘത്തിന്റെ അച്ചടക്കത്തിനുള്ള സമ്മാനവും ഒന്നാംസ്ഥാനത്തെത്തിയ കാനാട്ടുകരക്കുണ്ട്.
കൊറോണ മഹാമാരിക്ക് ശേഷമുളള ആദ്യത്തെ പുലികളിയായിരുന്നു ഇത്. നാല് മണിയോടെ മടയിൽ നിന്നിറങ്ങിയ പുലികൾ എംജി റോഡ്, സ്വരാജ് റൗണ്ട്, ബിനി ജംഗ്ഷൻ, എംഒ റോഡ് എന്നിവിടങ്ങളിൽ നിറഞ്ഞാടി. ഒരു സംഘത്തിൽ 35 മുതൽ 51 വരെ പുലികളുണ്ടായിരുന്നു. 250 ലേറെ കലാകാരന്മാർ പുലിവേഷത്തിൽ നിറഞ്ഞാടി.
Comments