പഞ്ചാബിൽ കാർ നിർമ്മാണ പ്ലാന്റ് സ്ഥാപിക്കുമെന്ന മുഖ്യമന്ത്രി ഭഗവന്ത് മാന്റെ അവകാശവാദം തള്ളി ജർമൻ ഓട്ടോമൊബൈൽ നിർമ്മാതാക്കളായ ബിഎംഡബ്ല്യു പ്രസ്താവനയിറക്കി. പഞ്ചാബിൽ അധിക നിർമ്മാണ പ്ലാന്റുകൾ സ്ഥാപിക്കാൻ ബിഎംഡബ്ല്യു ഗ്രൂപ്പിന് പദ്ധതിയില്ലെന്ന് കമ്പനി ഔദ്യോഗിക പ്രസ്താവനയിൽ അറിയിച്ചു. ജർമ്മനിയിലെ മ്യൂണിക്കിലെ കമ്പനിയുടെ ആസ്ഥാനത്ത് സിഎം മാൻ ബിഎംഡബ്ല്യു ഉദ്യോഗസ്ഥരുമായി കൂടിക്കാഴ്ച നടത്തിയതിന് തൊട്ടുപിന്നാലെയാണ് സ്ഥിരീകരണം. പുതിയ പങ്കാളിത്തങ്ങൾ രൂപീകരിക്കുന്നതിനും ലോകമെമ്പാടുമുള്ള പുതിയ നിക്ഷേപകരെ പഞ്ചാബിലേക്ക് ആകർഷിക്കുന്നതിനുമായി അദ്ദേഹം ഇപ്പോൾ ജർമ്മൻ സന്ദർശനത്തിലാണ്.
”ലോകപ്രശസ്ത കാർ കമ്പനിയായ ബിഎംഡബ്ല്യുവിന്റെ ഹെഡ് ഓഫീസിൽ അവരുടെ ഉന്നത ഉദ്യോഗസ്ഥരുമായി ഒരു മീറ്റിംഗ് നടന്നു. പഞ്ചാബിൽ വൻതോതിൽ കാർ പാർട്സുമായി ബന്ധപ്പെട്ട ഒരു യൂണിറ്റ് സ്ഥാപിക്കാൻ അവർ സമ്മതിച്ചു. ഇപ്പോൾ ചെന്നൈയിൽ ഒരു പ്ലാന്റ് മാത്രമേയുള്ളൂ’, ഇതായിരുന്നു മുഖ്യമന്ത്രിയുടെ ട്വീറ്റ്.
ਵਿਸ਼ਵ ਪ੍ਰਸਿੱਧ ਕਾਰ ਕੰਪਨੀ BMW ਦੇ Head office ਵਿਖੇ ਓਹਨਾਂ ਦੇ Top officials ਨਾਲ ਮੀਟਿੰਗ ਹੋਈ…ਵੱਡੇ ਪੱਧਰ ਤੇ ਕਾਰਾਂ ਦੇ parts ਨਾਲ ਸੰਬੰਧਤ unit ਪੰਜਾਬ ਲਾਉਣ ਦੀ ਹਾਮੀ ਭਰੀ ..ਹੁਣ ਸਿਰਫ਼ ਇੱਕ ਪਲਾਂਟ ਚੇਨਈ ਵਿੱਚ ਹੈ… pic.twitter.com/ge9T0fI2Rm
— Bhagwant Mann (@BhagwantMann) September 13, 2022
ചെന്നൈയിലെ നിർമ്മാണ പ്ലാന്റ്, പൂനെയിലെ ഒരു പാർട്സ് വെയർഹൗസ്, ഗുരുഗ്രാം എൻസിആറിലെ ഒരു പരിശീലന കേന്ദ്രം, രാജ്യത്തെ പ്രധാന മെട്രോപൊളിറ്റൻ നഗരങ്ങളിലുടനീളം നന്നായി വികസിപ്പിച്ച ഡീലർ ശൃംഖല എന്നിവയ്ക്കൊപ്പം ഇന്ത്യൻ പ്രവർത്തനങ്ങളിൽ ഉറച്ചുനിൽക്കുന്നതായി കമ്പനി പുറത്തിറക്കിയ പ്രസ്താവനയിൽ പറഞ്ഞു. മുഖ്യമന്ത്രി മാനെ കൂടാതെ, പഞ്ചാബ് സർക്കാരിന്റെ ഔദ്യോഗിക ട്വിറ്റർ ഹാൻഡിലും സംസ്ഥാനത്ത് നിർമ്മാണ യൂണിറ്റുകൾ സ്ഥാപിക്കാൻ ബിഎംഡബ്ല്യുവുമായുള്ള കരാർ ഒപ്പിട്ടതായി അവകാശപ്പെട്ടു.
The efforts of CM @BhagwantMann to rope in major investments from Germany bore fruit as leading auto giant @BMW agreed to set up its auto part manufacturing unit in state. CM showcased Punjab govt’s exemplary work to promote industry after which BMW agreed to set up unit in state pic.twitter.com/TiCAfqFnD0
— Government of Punjab (@PunjabGovtIndia) September 13, 2022
പ്രമുഖ വാഹന ഭീമനായ ബിഎംഡബ്ല്യു സംസ്ഥാനത്ത് ഓട്ടോ പാർട്സ് നിർമ്മാണ യൂണിറ്റ് സ്ഥാപിക്കാൻ സമ്മതിച്ചതിനാൽ ജർമ്മനിയിൽ നിന്ന് വൻ നിക്ഷേപം നടത്താനുള്ള മുഖ്യമന്ത്രി ഭഗവന്ത് മാന്റെ ശ്രമങ്ങൾ ഫലം കണ്ടു,’ വ്യവസായം പ്രോത്സാഹിപ്പിക്കുന്നതിനുള്ള പഞ്ചാബ് സർക്കാരിന്റെ മാതൃകാപരമായ പ്രവർത്തനങ്ങൾ മുഖ്യമന്ത്രി പ്രദർശിപ്പിച്ചതിന് ശേഷം സംസ്ഥാനത്ത് യൂണിറ്റ് സ്ഥാപിക്കാൻ ബിഎംഡബ്ല്യു സമ്മതിച്ചുവെന്ന് ട്വീറ്റിൽ പറയുന്നു.
CM Punjab @BhagwantMann invited VP Government Affairs and Marketing Communication for @BMWGroup entities in the Americas, Asia-Pacific and Africa, Glenn Schmidt to attend the Progressive Punjab Investors’ Summit scheduled for 23rd and 24th of February 2023.@BMW@cgmunich pic.twitter.com/iM4OsF6XbE
— Invest Punjab (@invest_punjab) September 13, 2022
ഇൻവെസ്റ്റ് ഇൻ പഞ്ചാബ് ഉദ്യമത്തിന്റെ ഭാഗമായി, ഇ-മൊബിലിറ്റി മേഖലയിൽ പഞ്ചാബ് സർക്കാരുമായി സഹകരിക്കാൻ മുഖ്യമന്ത്രി മാൻ ബിഎംഡബ്ല്യുവിനെ ക്ഷണിച്ചു. 2030-ഓടെ അതിന്റെ വിൽപ്പനയുടെ 50 ശതമാനം ഇലക്ട്രിക് വാഹനങ്ങളിലൂടെ നടത്താനാണ് കമ്പനി ലക്ഷ്യമിടുന്നത്. അടുത്ത വർഷം ഫെബ്രുവരി 23-24 തീയതികളിൽ നടക്കുന്ന പ്രോഗ്രസീവ് പഞ്ചാബ് നിക്ഷേപക ഉച്ചകോടിയിലേക്ക് ബിഎംഡബ്ല്യു പ്രതിനിധി സംഘത്തിനെ മുഖ്യമന്ത്രി മാൻ ക്ഷണിച്ചിട്ടുണ്ട്.
