കെഎസ് യു പ്രസിഡന്റിനെ തടഞ്ഞു; ജോഡോ യാത്രയ്‌ക്കിടെ രാഹുലിന്റെ സുരക്ഷയ്‌ക്ക് കയറ് പിടിച്ച പോലീസിനെ തല്ലി യൂത്ത് കോൺഗ്രസുകാർ

ആലപ്പുഴ: രാഹുൽ ഗാന്ധി നയിക്കുന്ന ഭാരത് ജോഡോ യാത്രയ്‌ക്കിടെ സംഘർഷം. പോലീസും പ്രവർത്തകരും തമ്മിൽ ഏറ്റുമുട്ടി. അരൂരിലായിരുന്നു സംഭവം.

പരിപാടിയുടെ ഭാഗമായി ഒരുക്കിയ സ്റ്റേജിന് സമീപത്തേക്ക് പോകാൻ കെഎസ്‌യു അദ്ധ്യക്ഷൻ അഭിജിത്തിനെ പോലീസ് അനുവദിക്കാതിരുന്നതോടെയായിരുന്നു സംഘർഷം ഉണ്ടായത്. രാഹുലിന് പിന്നാലെ വേദിയ്‌ക്ക് സമീപത്തേക്ക് പോകാൻ ശ്രമിച്ച അഭിജിത്തിനെ പോലീസ് തടഞ്ഞു. ഇതോടെ പ്രവർത്തകരും പോലീസും തമ്മിൽ വാക്കു തർക്കം ഉണ്ടാകുകയായിരുന്നു. ഇതിനിടെ പ്രവർത്തകർ പോലീസിനെ കയ്യേറ്റം ചെയ്തു. ഇതോടെ പോലീസും പ്രവർത്തകരും തമ്മിൽ സംഘർഷം ഉണ്ടാകുകയായിരുന്നു.