എറണാകുളം: രാഹുൽ ഗാന്ധിയുടെ ഭാരത് ജോഡോ യാത്രയ്ക്കെതിരെ നൽകിയ ഹർജി ഇന്ന് പരിഗണിക്കും. ഹൈക്കോടതിയിലാണ് ഭാരത് ജോഡോ യാത്രയ്ക്കെതിരെ ഹർജി ലഭിച്ചിരിക്കുന്നത്. യാത്ര വൻ ഗതാഗതക്കുരുക്ക് ഉണ്ടാക്കുന്നുവെന്ന് ചൂണ്ടിക്കാട്ടിയാണ് ഹർജി നൽകിയിരിക്കുന്നത്.
ഹൈക്കോടതി അഭിഭാഷകൻ വിജയൻ ആണ് ഹർജി നൽകിയിരിക്കുന്നത്. ഭാരത് ജോഡോ യാത്രമൂലം വലിയ യാത്രാ ക്ലേശമാണ് സാധാരണക്കാർ അനുഭവിക്കുന്നത്. ഇതിൽ ഹൈക്കോടതി ഇടപെടണമെന്നാണ് ഹർജിയിലെ ആവശ്യം.
രാഹുൽ ഗാന്ധി, കെപിസിസി അദ്ധ്യക്ഷൻ എന്നിവരെ പ്രതിചേർത്താണ് ഹർജി. റോഡിന് നടുക്കു കൂടിയാണ് നിലവിൽ ഭാരത് ജോഡോ യാത്ര കടന്നു പോകുന്നത്. അതിനാൽ ഈ സമയം ചെറുവാഹനങ്ങൾ ഉൾപ്പെടെ കടന്നു പോകാൻ വലിയ ബുദ്ധിമുട്ടാണ് അനുഭവപ്പെടുന്നത്. അതിനാൽ റോഡിന്റെ ഒരു ഭാഗം മാത്രം യാത്രയ്ക്കായി ഒരുക്കി നൽകണമെന്നും ഹർജിയിൽ പറയുന്നു.
