ഇസ്ലാമാബാദ്: ഇന്ത്യൻ ക്രിക്കറ്റ് താരങ്ങളെ വീണ്ടും അധിക്ഷേപിച്ച് പാകിസ്താൻ മുൻ ക്രിക്കറ്റ് ടീം ക്യാപ്റ്റൻ സൽമാൻ ബട്ട്. ഇന്ത്യൻ പുരുഷ ടീം മികച്ച ഫോമിലല്ലെന്ന് സൽമാൻ ബട്ട് വിമർശിച്ചു. ടീം ഇന്ത്യയുടെ ഫിറ്റ്നസ് വളരെ മോശമാണ്. പല താരങ്ങൾക്കും ഭാരക്കൂടുതലാണെന്ന് അദ്ദേഹം കുറ്റപ്പെടുത്തി.
വിരാട് കോഹ്ലി,ഹാർദിക് പാണ്ഡ്യ എന്നിവരുടെ ഫിറ്റ്നസ് മോശമാണ്.കളിക്കളത്തിൽ പ്രകടനം മികച്ചതല്ല.കെഎൽ രാഹുൽ ക്യാച്ച് ഉപേക്ഷിക്കുന്നു. പന്ത് അടുത്തെത്തുമ്പോൾ അദ്ദേഹം അലസനായി കാണപ്പെടുന്നു. അക്സറും ക്യാച്ചുകൾ ഉപേക്ഷിക്കുന്നുവെന്ന് സൽമാൻ കൂടിച്ചേർത്തു.പേസ് ബൗളിംഗും ഫിറ്റ്നസും ഇന്ത്യൻ ടീമിന് ആശങ്കയുണ്ടാക്കുമെന്ന് സൽമാൻ വ്യക്തമാക്കി.
ലോകത്തിൽ ഏറ്റവും കൂടുതൽ പ്രതിഫലം വാങ്ങുന്ന ക്രിക്കറ്റ് താരങ്ങളാണ് ഇന്ത്യൻ താരങ്ങൾ. അവർ ഏറ്റവും കൂടുതൽ മത്സരങ്ങൾ കളിക്കുന്നു. എന്തുകൊണ്ടാണ് അവരുടെ ഫിറ്റ്നസ് നിലവാരം പുലർത്താത്തതെന്ന് സൽമാൻ ചോദിച്ചു. ചില ഏഷ്യൻ ടീമുകൾ ഇന്ത്യയെക്കാൾ മുന്നിലാണെന്ന് സൽമാൻ കുറ്റപ്പെടുത്തി. യൂട്യൂബ് ചാനലിലൂടെയാണ് വിമർശനം.
