തിരുവനന്തപുരം : തുടർച്ചയായി രണ്ടാം ദിവസവും സംസ്ഥാനത്ത് സ്വർണവില കുതിക്കുന്നു. ഇന്ന് പവന് 400 രൂപയാണ് വർദ്ധിച്ചത്. ഇതോടെ ഒരു പവന് 37,200 രൂപയായി.
ഗ്രാമിന് 50 രൂപ വർദ്ധിച്ച് ഒരു ഗ്രാം സ്വർണത്തിന്റെ വില 4650 രൂപയായിട്ടുണ്ട്. ഇന്നലെ 160 രൂപ വർധിച്ച് 36,800 രൂപയായിരുന്നു ഒരു പവൻ സ്വർണത്തിന്റെ വില.
ഈ മാസം തുടക്കത്തിൽ 37,200 രൂപയായിരുന്നു ഒരു പവന്റെ വില. സെപ്റ്റംബർ ആറിന് അത് വർദ്ധിച്ച് 37,520 രൂപയായി. തുടർന്ന് സ്വർണ വിലയിൽ ഇടിവ് ഉണ്ടായി. കഴിഞ്ഞ ദിവസം ഏറ്റവും താഴ്ന്ന നിലയിലായിരുന്നു സ്വർണവില(36,640 രൂപ). തുടർന്നാണ് വീണ്ടും വർദ്ധിച്ചത്. വരും ദിവസങ്ങളിലും ഈ ചാഞ്ചാട്ടം തുടരുമെന്നാണ് വിലയിരുത്തൽ.
