നിത്യജീവിതത്തിന്റെ ഭാഗമാണ് കുളി. സോപ്പു തേച്ചും ആയുർവേദ കൂട്ടുകൾ ഉപയോഗിച്ചും എണ്ണ തേച്ചുമെല്ലാം അസ്സൽ കുളിയാണ് നമ്മൾ പാസാക്കുന്നത്. കുളി കഴിഞ്ഞിറങ്ങുന്ന ഭൂരിഭാഗം പേരുടെയും പരാതിയാണ് ഉടനെയുണ്ടാകുന്ന മൂക്കടപ്പും തുമ്മലും കണ്ണ് ചൊറിച്ചിലുമെല്ലാം. ദിവസവും കുളിക്കാൻ ഇഷ്ടപ്പെടുന്നവർക്ക് ഈ കാരണം കൊണ്ട് തന്നെ അതിന് സാധിക്കാറില്ല.
അലർജികൾക്കാ കാരണം എന്നാണ് ഈ പ്രശ്നത്തിന് പരിഹാരം കാണാനായി ആദ്യം ചെയ്യേണ്ടത്. വെളളം വരുന്ന പൈപ്പിന്റെ ഉള്ളിലുണ്ടാവുന്ന ഫംഗസ്, പൊടികൾ എന്നിവ നീക്കം ചെയ്യുകയാണ്. ഇത് വൃത്തിയാക്കാൻ ഷവർ തുറന്ന് ഇതിന്റെ നോസിലിന്റെ ഉൾവശം വൃത്തിയാക്കുക, പൈപ്പുകൾ തുറന്ന് വൃത്തിയാക്കുക, , ബാത്റൂമിൽ കർട്ടനുകൾ ഇടയ്ക്കിടെ കഴുകി ഉണക്കി ഉപയോഗിക്കുക എന്നിവ ചെയ്യാം.
ബാത്റൂമിലെ ജനൽപാളികളിലെ നനവ് നീക്കുക. ഇതുപോലെ കുളിച്ച ശേഷം എക്സ്ഹോസ്റ്റ് ഫാൻ ഓണാക്കുന്നത് നനവ് നീക്കാനും ഇത്തരം അലർജി പ്രശ്നം വരുന്നത് തടയാനും സഹായിക്കും. ബാത്റൂമിലേയ്ക്ക് കഴിവതും സൂര്യപ്രകാശവും കാറ്റും കയറുന്ന വിധത്തിൽ സജ്ജീകരിയ്ക്കുന്നത് നല്ലതാണ്. ഇത് ഇത്തരം അലർജികൾക്ക് കാരണമാകുന്ന ഘടകങ്ങളെ നീക്കാൻ സഹായിക്കും.ഉപയോഗിക്കുന്ന ബക്കറ്റും കപ്പുമെല്ലാം എപ്പോഴും വൃത്തിയാക്കി സൂക്ഷിക്കുക.
ടാങ്കിലും പൈപ്പിലും സൂക്ഷിക്കുന്ന വെള്ളം വൃത്തിയാക്കുക,സൂര്യപ്രകാശമുള്ള സമയത്ത് കുളിയ്ക്കുക. പ്രത്യേകിച്ചും സൂര്യാസ്തമയ ശേഷമുള്ള കുളിയും രാത്രിയിലുള്ള കുളിയും ഒഴിവാക്കുക. മേൽ കഴുകുന്നത് കൊണ്ട് കുഴപ്പമില്ല.തല നല്ലതു പോലെ തുവർത്തി വെള്ളം കളയേണ്ടതും പ്രധാനമാണ്. നിറുകയിൽ വെള്ളം ഇറങ്ങാതെ ശ്രദ്ധിയ്ക്കുക.
