ബഹിരാകാശത്ത് നിന്ന് യോഗ ചെയ്താൽ ഇങ്ങനെ സംഭവിക്കും; വീഡിയോ കാണാം

ശരീരത്തിനും മനസിലും ഒരേപോലെ ഊർജ്ജം നൽകുന്ന വ്യായാമമാണ് യോഗം. ഇന്ത്യയുടെ പാരമ്പര്യ ആരോഗ്യപരിപാലന സമ്പ്രദായങ്ങളിൽ ഒന്നായ യോഗയെ നമ്മുടെ രാജ്യമാണ് ലോകത്തിന് സമ്മാനിച്ചത്. തിരക്കും മത്സരവും വ്യാകുലതയും നിറഞ്ഞ ആധുനികകാലത്ത്, മനുഷ്യന്റെ വർദ്ധിച്ചു വരുന്ന മാനസികപിരിമുറുക്കത്തിന്റെ പിരി അയയ്‌ക്കാൻ യോഗയ്‌ക്കുള്ള കഴിവ് അതുല്യമാണ്. അതുകൊണ്ട് തന്നെ ഏതൊരു പരിതസ്ഥിതിയിലും യോഗ മികച്ച ഒരു ചികിത്സയാണ്.

എന്നാൽ ബഹിരാകാശത്ത് നിന്ന് യോഗ ചെയ്താൽ എന്തായിരിക്കും അവസ്ഥ ? ചിന്തിച്ചിട്ടുണ്ടോ ? യൂറോപ്യൻ ബഹിരാകാശ ഏജൻസിയുടെ ബഹിരാകാശയാത്രികയായ സാമന്ത ക്രിസ്റ്റോഫോറെറ്റി ഇത്തരത്തിൽ യോഗ ചെയ്യുന്ന വീഡിയോയാണ് ഇപ്പോൾ വൈറലാകുന്നത്.

What happens when you try to do yoga in #SPACE? 🚀 Here's @AstroSamantha the astronaut doing #CosmicKids on the ISS! 💫

Watch the whole video here: https://t.co/gn7GomHmxT

Thank you to the amazing team @ESA for this incredible opportunity! 🧑🚀 #MissionMinerva #SpaceWeek pic.twitter.com/0nOiXwZa6W

— Cosmic Kids (@CosmicKidsYoga) September 27, 2022

യോഗ ഇൻസ്ട്രക്ടറുടെ നിർദ്ദേശങ്ങളനുസരിച്ച് ക്രിസ്റ്റോഫോറെറ്റി വ്യത്യസ്തമായ യോഗാസനങ്ങൾ ചെയ്യുന്നത് വീഡിയോയിൽ കാണാം. ഗുരുത്വാകർഷണം ഇല്ലാത്ത സ്ഥലത്ത് ഇവർ ഇലാസ്റ്റിക് ബാൻഡുകൾ ധരിച്ചാണ് സ്വയം ബാലൻസ് ചെയ്യുന്നത്. 15 സെക്കൻഡ് ദൈർഘ്യമുള്ള വീഡിയോയിൽ, ക്രിസ്-ക്രോസ് പൊസിഷനിൽ ശരീരം ബാലൻസ് ചെയ്തുകൊണ്ടാണ് യോഗാഭ്യാസം.

‘ഭാരമില്ലായ്മയിൽ യോഗ ചെയ്യണോ? ഇത് അൽപ്പം ബുദ്ധിമുട്ടുള്ള കാര്യമാണ്, പക്ഷേ ശരിയായ പോസുകളും കുറച്ച് ക്രിയേറ്റിവിറ്റിയും ഉപയോഗിച്ച് നിങ്ങൾക്ക് ഇത് ചെയ്യാൻ കഴിയും,’ എന്ന ക്യാപ്ഷനോടെയാണ് ക്രിസ്റ്റോഫോറെറ്റി പോസ്റ്റ് പങ്കുവെച്ചിരിക്കുന്നത്.

വീഡിയോയ്‌ക്ക് മികച്ച പ്രതികരണങ്ങളാണ് ലഭിക്കുന്നത്. എല്ലാ സ്ഥലങ്ങളും യോഗ ചെയ്യാൻ പറ്റിയ ഇടങ്ങളാണ് എന്നുളള പ്രതികരണങ്ങളാണ് വീഡിയോയ്‌ക്ക് ലഭിക്കുന്നത്.