ഗാന്ധിനഗർ: വഡോദരയിലെ നവരാത്രി ആഘോഷങ്ങളിൽ പങ്കുചേർന്ന് ടോക്കിയോ ഒളിംപിക്‌സ് ജേതാവും ഡയമണ്ട് ലീഗ് ചാമ്പ്യനുമായ നീരജ് ചോപ്ര. 36-ാമത് ദേശീയ ഗെയിംസിന് മുന്നോടിയായാണ് ചോപ്ര ഗുജറാത്തിലെത്തിയത്. വഡോദരയിലെത്തിയ താരം ജനങ്ങൾക്കൊപ്പം ഗർബ നൃത്തം ചെയ്താണ് ആഘോഷങ്ങളുടെ ഭാഗമായത്.
ഗർബ നൃത്തത്തിന് ശേഷം ചോപ്ര ജനങ്ങളുമായി സംവദിച്ചു. ആളുകൾ നവരാത്രി ആഘോഷിക്കുന്നത് കാണുമ്പോൾ തന്നെ മനസ്സിന് സന്തോഷമാണെന്ന് അദ്ദേഹം ജനങ്ങളെ അഭിസംബോധന ചെയ്ത് പറഞ്ഞു. ഒപ്പം ദേശീയ ഗെസിംസിൽ പങ്കെടുക്കുന്നവർക്ക് ആശംസകൾ അറിയിക്കുകയു ചെയ്തു. മത്സരാർത്ഥികൾക്ക് മികച്ച പ്രകടനം കാഴ്‌ച്ചവെക്കാനും അവരുടെ മാതാപിതാക്കളുടെയും, രാജ്യത്തിന്റെയും, അഭിമാനമാകാൻ കഴിയട്ടെയെന്നും അദ്ദേഹം ആശംസിച്ചു. ആദ്യമായാണ് ഗർബ ആഘോഷങ്ങളിൽ പങ്കെടുക്കുന്നതെന്ന് നീരജ് ചോപ്ര പറഞ്ഞു. ഏവരും ഒരുമയോടെയും സന്തോഷത്തേടെയും പങ്കെടുക്കുന്നതും ആനന്ദകരമായ കാഴ്ചയെന്ന് ചോപ്ര പറഞ്ഞു.
🇮🇳's Golden Boy @Neeraj_chopra1 attends special Garba night in #Vadodara among thousands of people🤩
The enthusiasm and celebrations at the garba ground multiplied when he surprised his fans at the spot🤩#36thNationalGames #NationalGames2022 pic.twitter.com/VYxyhIFwIM
— SAI Media (@Media_SAI) September 28, 2022
36-ാമത് ദേശീയ ഗെയിംസിൽ പങ്കെടുക്കുന്നതിനാണ് നീരജ് ചോപ്ര ഗുജറാത്തിലെ വഡോദരയിലെത്തിയത്. ഏഴ് വർഷത്തെ ഇടവേളയ്‌ക്ക് ശേഷമാണ് 2022-ൽ ദേശീയ ഗെയിംസ് നടക്കുന്നത്. സെപ്റ്റംബർ 29-ന് അഹമ്മദാബാദിലെ നരേന്ദ്ര മോദി സ്റ്റേഡിയത്തിലാണ് ഔദ്യോഗിക ഉദ്ഘാടന ചടങ്ങ് നടക്കുന്നത്. മത്സരം ഒക്ടോബർ 12-ന് അവസാനിക്കും. അഹമ്മദാബാദ്, ഗാന്ധിനഗർ, സൂറത്ത്, വഡോദര, രാജ്കോട്ട്, ഭാവ്നഗർ എന്നിവയാണ് ഗുജറാത്തിൽ നടക്കുന്ന ഗെയിംസിന്റെ ആറ് ആതിഥേയ നഗരങ്ങൾ.
